• MF Prepara Resposta Rekomendasaun Tribunál De Kontas

Home » Announcements » MF Prepara Resposta Rekomendasaun Tribunál De Kontas Print Page

MF Prepara Resposta Rekomendasaun Tribunál De Kontas

Ministériu Finansas, Loron 04 Fulan-Febereiru 2020- Ministra Finansas i Atual Vise Ministra Finansas Sara Lobo Brites hala’o enkontru ho diretór jerál, diretór nasionál no koordenadór unidade sira ho objetivu atu prepara responsta ba rekomendasaun Tribunál de Kontas nian.

Tuir Ministra Finansas i Atual Vise Ministra Finansas Sara Lobo Brites hateten enkontru ida ohin atu iha hanoin ruma hosi ekipa. Tanba durante distribuisaun dokumentus hosi Tribunál de Kontas ne’e gestores balun iha ona leitura no hare’e idak-diak nia parte. Hodi nune’e ita bele prepara nia resposta no sela’e mós ita sei identifika no distribui ba idak-idak para bele prepara nia resposta. Ha’u halo letura ba dokumentu ida-ne’e antes ita lori orsamentu 2020 ba iha Parlamentu Nasionál. Ne’ebé Ha’u iha observasaun jerál katak, sira pozitivu lo’os ba ita-nia relatóriu 2018 no sentidu ita mós devulga tan informasaun lubuk ida. Sira iha rekomendasaun balun, maibe rekomendasaun ba servisu balun ne’ebe ita bele implementa hela. I presiza esforsu ida-ne’ebé makas para bele implementa rekomendasaun sira-ne’e.

Ha’u hare’e kuaze hotu-hotu iha nia jata no sentidu diresaun jerál idak-idak iha nia observasaun. Iha relatóriu Tribunal de Kontas ida-ne’e totál rekomendasaun 26 no ida-ne’e seidauk inklui anteriór ka parsiál implementadu no la implementadu.

Ministra Finansas i Atual Vise Ministra Finansas Sara Lobo Brites mós reforsa liutan katak, se imi hotu aseita ita halo letura ba rekomendasaun sira-ne’e no ita distribui kedas ba idak-idak atu bele iha nia responsabilidade ba resposta. Se ita hein de’it ema ida maka atu bele prepara no ita hetan difikuldade lo’os ba tempu. Resposta ita idak-idak tenki fundamenta didi’ak, se la implementa tanba saída, se atu implementa karik implementa oinsa. Labele dehan sirkular haruka ona no implementa ka la’e, ida-ne’e ita hare’e hanesan output de’it nia efeitu ka rezultadu iha ka la’e.

“Resposta la’os atu memuaskan sira de’it maibé tenki tau iha ita nia ajenda para implementa”.

Rekomendasaun sira-ne’e pasparte hosi ita-bo’ot sira-nia programa annual action plan ne’ebé Ha’u-hanoin di’ak hela.