• MF Realiza Primeira Reuniaun CCMF Tinan 2020

Home » Announcements » MF Realiza Primeira Reuniaun CCMF Tinan 2020 Print Page

MF Realiza Primeira Reuniaun CCMF Tinan 2020

Vise Ministra Finansas e Ministra Finansas em Exercicio, Sara Lobo Brites realiza primeira reuniaun Consultative Council of the Ministry of Finance (CCMF) ho Diretór Jerais, Diretór Nasionais no Koordenadór Unidade sira ho objetivu atu bele partilla informasaun ba malu relasiona ho atividade xaves ministériu nian.

Iha enkontru ida-ne’e importante ba ita hotu atu fahe informasaun ba malu, liu-liu programa ka eventu sira ne’ebé iha tempu badak atu akontese. Liuhosi enkontru ida-ne’e ita partilla informasaun para Diretór Jerál sira bele akompaña informasaun sira nomós informadu ba atividade xaves ministériu nian ho nune’e bele fó apoiu ba malu i bele iha mós koñesimentu. Dalabarak kuandu jestor sira la partilla informasaun ba malu maka dalaruma inkontru balun sira ba tuir maka ema husu buat rum sira rasik la informadu kona-ba saida maka akontese iha ministériu.

“Hau hanoin oportunidade di’ak iha CCMF ne’e para atu bele fahe mós planus ka saida de’it maka iha ita-bo’ot sira nia meza leten para sira seluk-seluk bele akompaña”. Informa Ministra Finansas i Atual Vise Ministra Finansas Sara Lobo Brites.

Em prinsipiu, desde inisiu kedas Ha’u ladún hakarak iha enkontru CCMF, ita ko’alia kona-ba problema. Há’u fiar katak, Diretór Jerál sira iha kbiit makas atu rezolve problema sira bilateralmente. Ne’eduni Ha’u prefere liu iha ita-nia enkontru ne’e kolia-liu oinsa maka ita bele jere no ajuda malu realiza atividade sira ne’ebé maka tantu iha nível ministériu no nível diresaun nian.

“Ita hanesan Ministériu Finansas, ministériu ida-ne’ebé importante ba iha ita-nia estadu, ita tenki fó exemplu no kontinua lead nafatin parte prosesu hotu-hotu iha idak-idak nia parte. Ida-ne’e maka Primeiru-Ministru husu i ha’u hanoin importante atu Diretór Jerál sira transmiti mós informasaun ba idak-idak nia diresaun no unidade”.

Iha enkontru ne’e Ministra Finansas em Exercicio mós atualiza informasaun hosi rezultadu reuniaun konsellu ministru nian katak, Diretór Jerál sira hatene ita nia Orsamentu Jerál Estadu (OJE) 2020 sumba iha Parlamentu Nasionál no ita-nia situasaun agora hanesan inserteza hela. Maibé iha enkontru Konsellu Ministru Quarta-feira foin lalais ne’e Primeiru-Ministru fó orientasaun ba ministériu hotu-hotu atu bele hato’o ba idak-idak nia ekipa iha ministériu hosi diretór jerál, koordenadór, asesor sira atu hotu-hotu mantein servisu hanesan bain-bain.

“Partikularmente, Ha’u husu mós ba diretór jerál sira atu informa mós ba idak-idak nia ekipa, katak Importante ita hanesan superiór fó ezemplu para ita-nia ekipa mós labele mosu klima ida ke influénsia mós sira-nia servisu no hotu-hotu tuur ko’alia maka kona-ba situasaun polítika”.

Hau mós hakarak atu aproveita oportunidade ida-ne’e hodi fó hanoin ba Diretór Jerál sira kona-ba Segunda-feira kada fulan ne’ebé ita sempre halo serimónia isar bandeira. Ita hotu-hotu hanesan inspektór ba serimónia ita sempre transmiti nafatin mensajen sira iha ita-nia enkontru atu kontinua fó hanoin ba malu. Husu ita hotu-hotu nia ekipa disiplina iha oras servisu, kna’ar liu-liu servisu ho ritmu ida normál. Tanba uainhira ita komesa ona dezanima ka afetadu ho situasaun, la fó ona atensaun ba ita-nia servisu i bele atraza iha ita-nia relatóriu ou nível servisu nian ne’ebé ita tenki entrega.