• MF-SEA Realisa Treinamentu ODS & HFCh Iha Batugade

Home » Announcements » MF-SEA Realisa Treinamentu ODS & HFCh Iha Batugade Print Page

MF-SEA Realisa Treinamentu ODS & HFCh Iha Batugade

20200212_MF-SEA Realisa treinamentu ODS HFCh iha Batugade - Final 1

Ministériu Finansas liu husi Autoridade Aduaneira koopera ho Sekretária Estadu Meiu Ambiente (SEA) hodi realisa Treinamentu ba funsionáriu Autoridade Aduaneira (AA) iha postu integradu Batugede, Salele no Oe-Cusse oinsa kontrola importasaun ekipamentus Ozone-Depleting Substances (ODS) Hydrofluorocarbons (HFCs) tama mai Timor-Leste. Treinamentu ne’e hahuu iha loron 11-13 Fulan Fevereiru 2010 iha Resintu Batugade.

Objetivu hosi treinamentu ida-ne’e mak atu fahe koñesementu no, hasa’e kapasidade no abilidade ba iha funsionáriu oficias Autoridade Aduaneira hodi halo kontrola ne’ebé di’ak, liu-liu ba iha importasaun materiál hanesan Gas no objeitu sira seluk ne’ebé maka iha relasaun ho meiu ambiente ninian servisu. Lia hirak ne’e hato’o hosi Diretór Operasaun Nasionál AA, Julião Jose Ximenes.

Diretór ne’e mos subliña liutan katak “Formasaun ida-ne’e ita bele dehan formasaun kontinuasaun tamba ita aplika formasaun ne’ebé hanesan iha tinan rua liu ba, liu-liu iha pontus entrada liña fronteiras sira hanesan Salele, Batugade, Dili no Oecusse. La’os deit Treinamentu ba funsionáriu sira maibe SEA mós fornese ekipamentus balun hodi suporta servisu Autoridade Aduaneira.

Iha sorin seluk, Sekretaria Estadu Ambiente Deometrio Amaral iha ninian entervista hateten, “Formasaun ba funsionáriu Alfandega sira atu assegura Dekretu Lei 36/2012 kona-ba regulamentu hodi kontrola ozone-depleting substances (ODS) kímika sira ne’ebe hamosu Ozono, no ita hatene katak Ozone ne’e hamosu dadaun problema ou moras barak hanesan kankru kulit no mos ameasa ba produtu ai-han tambá timor leste mós hola parte iha Convensaun Viena”.

Hahuu hosi tinan 2007 too agora, kooperasaun entre SEA no Alfandega diak tebes tamba ho formasaun ho ekipamentus ne’ebé SEA fornese, AA konsege detekta ona Gas no objeto sira seluk kuase Lima-Nulu resin ne’ebé mak agora dadaun iha armagen AA nian iha portu Dili no mós balun património Estadu, iha Balide.