• MF Sei Aprezenta Proposta Levantamentu Millaun 250 Hosi Fundu Petrolíferu

Home » Announcements » MF Sei Aprezenta Proposta Levantamentu Millaun 250 Hosi Fundu Petrolíferu Print Page

MF Sei Aprezenta Proposta Levantamentu Millaun 250 Hosi Fundu Petrolíferu

20200311_MF Sei Aprezenta Proposta Levantamentu Millaun 250 Hosi Fundu Petrolíferu_Edited by DGuterres

Ministra Finansas em Exersísiu i Atuál Vise Ministra, Sara Lobo Brites hateten semana oin Ministériu Finansas sei aprezenta proposta levantamentu 250 hosi Fundu Petrolíferu iha reuniaun Konsellu Ministru.

“Ohin lakolia iha ajenda Konsellu Ministru parese semana oin, maibé tuir proposta Ministériu Finansas sei aprezenta purvolta millaun 250 ne’e montante husi montante Rendimentu Sustentável Estimadu (RSE). Mais ida ne’e semana oin maka sei tau iha ajenda ohin la tau iha ajenda”, informa Ministra Finansas em Exersísiu i Atuál Vise Ministra, Sara Lobo Brites iha Palasiu Governu, loron 11 Fulan-Marsu 2020.

Governante ne’e hateten katak, ita nia duodésimu fulan tolu tuituir malu ita fiksa ho montante 116 entaun ita nia saldo agora 215 millaun. Ita nia resitas domestika ninia media purvolta 15 millaun fulan-fulan. Entaun ita fiksa duodesimu kada fulan ho 116 ita sukat ho saldo ne’ebé maka agora ne’e ita to de’it ba fulan rua. Maibé ita iha esperensia iha Fulan-Janeiru no Fevereiru ezekusaun menus hosi 116 purvolta 50 pursentu itál millaun de’it.

“Entaun ita hanoin katak se-ezekusaun maka mantein nafatin purvolta 50 pursentu de’it entaun nia montante ne’e sei bele to fulan 4 ida hanesan ne’e”, informa Ministra.

Ministra Finansas em Exersísiu i Atuál Vise Ministra, Sara Lobo Brites mós esplika liutan katak, agora liga mós ho aprovasaun ida ohin halo alterasaun ba iha artigu 31, governu bele atende nesediade sira ne’ebé maka bo’ot. Hanesan selu dívida publika externa ne’ebé maka nia loron pagamentu monu iha Marsu. Embora montante ladu’un bo’ot i nomós nesesidade lubuk ida guvernu tenki selu iha Marsu nia laran, quer dizer despeza iha Marsu bele liu-ituan ida ne’ebé maka ita ezekuta iha Fevereiru pode ser bele to’o iha 60 ou 70 pursentu. Ida ne’e hanesan mós briliante dalaruma ezekusaun bele sa’e tanba projetu fiziku sira ne’ebé maka la’o hela.

“Tanba ne’e maka ita halo kalkulu ne’e maizomenus se semana oin aprezenta duni iha Konsellu Ministru ita sei husu 250 millaun para bele kobre despezas apartir husi Maiu ba oin. Maibé ida ne’e depende ba desizaun hosi ita nia parte líder sira no desizaun polítika sira”, reforsa Ministra.

Molok remata Ministra informa liutan katak, tanba ita sei haruka ba Parlamentu Nasionál (PN) ne’e maka Ministériu Finansas hakarak propoin em antecedencia. Tanba Parlamentu nia maka ajenda ba plenária ida-ne’e ita labele to’o ultima de ora maka ita foin haruka ba Parlamentu. Tanba ida-ne’e maka ami haruka em antecedência Parlamentu maka tetu no presija ajenda ka la’e.