Timor-Leste Ministry of Finance

Home » Anúnsiu » MF Sosializa Polítika Jestaun Ajudu Externa Imprime pájina

MF Sosializa Polítika Jestaun Ajudu Externa

Ministériu Finansas liuhosi Diresaun Jerál Mobilizasaun Rekursu Externa (DGGMRE) sosializa polítika i jestaun ajudu externa ba diretór jerais i diretór nasionais sira hosi liña ministériu hotu inklui mós funsionáriu xave sira iha área kooperasaun i finansas. Sosializasaun ne’e realiza iha Salaun Auditorium Xanana Gusmão Ministériu Finansas, loron 20/12/2019.

“Sesaun traballu sosializasaun Polítika e Jestaun mobilizasaun externa ba Timor- Leste hanesan interese nasaun ne’ebé bo’ot tebes para depois ita bele halo jestaun ne’ebé diak ba rekursu externa hosi kontribuisaun parseiru dezenvolvimentu sira”. hateten Diretór Jerál Mobilizasaun Rekursu Externa Antonio Freitas.

Diretór Jerál Mobilizasaun Rekursu Externa Antonio reforsa liutan katak, intensaun hosi sesaun traballu sosializasaun Polítika e Jestaun ajudas externa Timor-Leste. Para asegura polítika VIII Governu Konstitusionál no hametin liña Koordenasaun entre Ministériu Finansas no liña Ministériu, no órgaun estadu sira seluk.

Jerálmente intensaun hosi sesaun traballu sosializasaun Polítika e Jestaun ajudas externa Timor-Leste mak hanesan:
1. Atu partilla informasaun detallu kona-ba politika i jestaun mobilizasaun externaTimor-Leste.
2. Partilla informasaun detallu kona-ba prosesu grants no viabilidade dadus estatístika atraves Aid Transparency Portal (ATP).
3. Partilla informasaun detallu kona-ba prosesu relasiona ho empréstimu no viabilidade dadus administrativu estatístika.
4. Partilla informasaun detallu kona-ba prosesu relasiona ho Parseira Públiku-Privadu (PPP) no viabilidade dadus administrativu estatístika
5. Apontamentu pontu fokais husi liña ministériu hodi representa instituisaun ba asuntu kooperasaun i Jestaun ajudas externa Timor-Leste.
6. Identifika mekanismu hodi intensifika komunikasaun entre liña ministériu no Diresaun Jerál Mobilizasaun Rekursu Externa (DGGMRE) hosi Ministériu Finansas.

VIII Governu konstitusionál iha reuniaun parseiru desenvolvimentu iha 2019 halo ona lansamentu ba Polítika Jestaun i Mobilizasaun Ajuda Externa. Ministériu Finansas rasik iha nia orgânika foun estabelese Diresaun Jerál Gestaun Mobilizaaun Rekursu Externa (DGGMRE) ne’ebé ho nia Diresaun Nacionál (1) no Unidade (2) hanesan: Direção Nacionál Efikásia i Mobilizasaun Ajudas Rekursu Externa. Unidade Polítika i Mobilizasaun Empréstimu i nomós Unidade Parseria Públiku Privadu.

Hanesan Nasaun, Timor-Leste halo kooperasaun ho Nasaun hotu no Instituisaun Internasionál ne’ebé rezulta iha kooperasaun no asisténsia atraves No- Lending (grants). Lending (Empréstimu) kooperasaun entre setór públiku ho privadu ne’ebé ita bolu PPP, modalidade kooperasaun sira ne’e mai ho nian karakter no interese idak-idak.

Sesaun traballu refere partisipa husi Diretór Jerais e Diretór Nasionais husi liña Ministériu hotu inklui funsionáriu xave nain ha’at (4) ba área kooperasaun iha finansas. Sesaun traballu offisialmente loke husi Diretór Jerál Mobilizasaun Rekursu Externa-Ministériu Finansas Antonio Freitas.