• MF Verifika Hela Proposta Pagamentu Subsídio Estudante Não-Bolseiru

Home » Announcements » MF Verifika Hela Proposta Pagamentu Subsídio Estudante Não-Bolseiru Print Page

MF Verifika Hela Proposta Pagamentu Subsídio Estudante Não-Bolseiru

20200615_MF Verifika Hela Proposta Pagamentu Subsidio Estudante Non-Bolseiru - Editado por DGuterres

Sekretariadu Tékniku Fundu Covid-19 Januario da Gama hateten pagamentu subsídiu ba estudante não-bolseiru iha rai li’ur nia proposta husi Ministériu Negósius Estranjeirus no Kooperasaun (MNEK) aprezenta ona mai Ministériu Finansas i halo hela verifikasaun.

“Husi proposta ida ne’e liga ho dekretu lei pagamentu estudante não-bolseiru determina, estudante iha nasaun 14 maka iha direitu para atu hetan subsídiu ida ne’e”, informa Sekretariadu Tékniku Fundu Covid-19, Januario da Gama iha Auditório Xanana Gusmão, Ministériu Finansas, iha loron 12 fulan Junho 2020.

Sekretariadu Tékniku mós esplika husi proposta ne’ebé maka tama, MNEK aprezenta ona nasaun 10 ho totál hamutuk 2.513 benifisiárius. “Purtantu ne’e ba ita nia estudante não-bolserius sira, equivalente ho osan ba fulan tolu ninian US$1.340,000. Husi US$1.340,000 ne’e halo distribuisaun tuir kustu de vida nasaun ida-idak nian, purtantu iha variedade Indonesia mai ho apliksaun ida media kustu de vida determina kedas iha nia proposta”, dehan Januario Gama.

Husi proposta ida ne’e benifisiárius barak liu maka iha Indonesia hamotuk 1517 benifisiárius no tuir fali estudante iha Portugál 416 benifisiárius no sira seluk iha númeru ho variedade la hanesan.

“Ho konselho jestaun nia aprovasaun ida ohin obrigasaun ba Sekretariadu Tékniku komesa semana oin ami tenki konklui ona verifikasaun para depois semana oin komesa efetua ona ninia transferênsia”, esplika Seketariádu Tékniku.

Modalidade husi mekanismu pagamentu ne’ebé maka sei halo ba proposta mai ho opsaun rua. Opsaun ida, halo pagamentu através konta bankária benifisiáriu estudante sira nian. Opsaun seluk, ba estudante sira iha nasaun ASEAN hanesan Indonesia, tranferênsias ne’e liuhusi konta bankária embaixada no konsulado sira nian. Hafoin embaixada no konsuladu maka halo zestaun para atu halo pagamentu ba estudante ida-idak sira iha nasaun ASEAN.

Prosesu pagamentu depende ba opsaun rua ne’ebé ohin há’u temi, karik proposta mai husi MNEK hakarak transferénsia pagamentu liuhusi konta bankária benifisiáriu ami sei halo tuir. Proposta sira ne’ebé liuhusi konsuladu ka embaixada ami transfere ba sira depois maka embaixada no konsuladu sei halo pagamentu tuir estudante ida-idak.