• Ministério Finansas hamutuk Ho MAP hala’o seremonia leilaun ba Ai Konviskadu iha kolomera Dili.

Home » Anúnsiu » Eventu sira » Ministério Finansas hamutuk Ho MAP hala’o seremonia leilaun ba Ai Konviskadu iha kolomera Dili. Imprime pájina

Ministério Finansas hamutuk Ho MAP hala’o seremonia leilaun ba Ai Konviskadu iha kolomera Dili.

Dili- Ministerio Agrikultura no Peskas servisu hamutuk ho MInisterio Finansas halao lailaun ba Ai hamtuk oin walu ba public ho objective atu osan bele tama fali ba kofer estado Leilaun ne’ebé mak Ministériu Agrukultur no Peskas (MAP) servisu hamutuk ho Ministériu Finansa hala’o bazeia ba dekretu lai no.32 / 2011 ne’ebé kualia konabá hasta públiku. Ministru Agrikultur no Peskas (MAP), Sr. Estanialau Aleixu da Silva hateten lailaun refere ho nia objetivu mak oinsa atu bele aumenta reseitas ba estadu Timor – Leste. Leilaun ida ne’e laos primeiru no ikus maibé ita hakarak ba oin tamba dala ruma ita loke konkursu, loke taka kria duvidas oi-oin deit maibé oinsa mak aumenta reseitas ba kofre estadu, dehan Ministru Agrikultur no Peskas (MAP) Sr. Estanislau Aleixu da Silva iha sentru florestas, kolmera iha kinta feira 12 Augosto 2016. Nia dehan prosesu lailaun refere núdar prosesu ida ne’ebé diak hodi nune’e labele mósu politizasaun ruma iha laran ho nune’e bele lao diak liu ba oin tamba ai balun sei iha fatin seluk liu liu iha munisipiu sira sei halo mós leilaun ba iha publiku. Nia informa katak TL nia rekursu rezerva florestais besik bilian rua resin iha TL. Iha biban ida ne’e mós Diretor Jeral Finansas Estadu MInistériu Finansa hanesan mós Presidente ba komissaun lailaun Sr. Januario da Gama, informa katak MF nia involvimentu iha lailaun refere tamba bazeia ba dekretu lai no 32/2011 ne’ebé mak fo puder ba Ministériu Finansa hadi hala’o leilaun ba produtu sira ne’ebé mak iha, nune’e bele hatama reseitas ba estadu. Deklarasaun ba Ai konviskadu, ai Madeira sira prende tamba iha esplorasaun balun illegal, tan ne’e ita sente katak ita iha deit dekretu lei uniku ba implementasaun lailaun jestaun aliñasaun ba beins movis estadu nian, tamba ne’e Ministério agrikultura no peskas halo deklarasaun ida mai Ministériu Finansas hamutuk ho kordenasaun tekniku hodi submete ba iha prosesu aliñasaun dehan Januario Diretor Jeral Finansa Estadu MF. Nia dehan lailaun ida ne’e núdar dahuluk ne’ebé MAP ho Ministériu Finansas hodi implementa hasta públiku nu’udar modalidade foin ba implementasaun ba ai konviskadu. Nia esplika katak Implementasaun hasta públik signifika katak prosesu ne’e halo kedas iha fatin lailaun nian no se mak sai vensedor fo sai kadas hodi halo pagamentu 10% iha sentru aliñasaun depois mak halo halo pagamentu final iha Banku Sentral hodi bele foti sasan husi sentru aliñasaun. Januario mós informa katak ai ne’ebé mak halo leilaun hamutuk ai tipu 8 mak hanesan Ai sunu lot hamutuk 25; Ai larages hamutuk lot 3, ai teka hamutuk lot 2, inklui mós Ai rú, ai samtuku, ai hanek, ai kameli nomós piku. Tuir estimasaun leilaun refere sei hatama osan ba kofer estadu be’e to’o $. 8,000.00 ou $. 9, 000.00 dolares amerikanu.

Alende ne’e Diretor Jeral Floresta Mario Ribeiro Nunes esplika mós katak ai ne’ebé halo leilaun guarda floresta sira prende no halo atuasaun ba ilegalidade produtu florestais sira ne’ebé mak populasaun sira halo.

Entaun ami priende nu’udar informasaun ida ba komunidade sira katak bainhira halo buat ruma tenki iha baze legal nomos lei husi prosesu ida, dehan nian. Nia dehan MAP husi diresaun floresta kontinua nafatin halo kontrolu ba ai ne’ebé mak komunidade sira tesi illegal iha teritoriu laran tomak. Problema ba kontrolasaun nian ne’e liu liu guarda floresta nian tamba menus tebes, governu tenki iha kbiit atu halo rekrutamentu tan guarda sira hodi nune’e bele halo kontrolu ba ita nia rekursu floresta sira iha teritoriu tomak, maibé ami mós husu ba iha komunidade sira atu ai sira ne’ebé mak sedauk tuan labele halo lai esploitasaun maibé tamba nesesidade ekonomia ita nia komunidade kontinua halo atividade tesi ai illegal balun.   End