• Ministeriu Finansas Aprezenta OJE 2019 inklui Relatoriu Nasional Dezenvolvimentu Umanu no Projeitu Estrada Baucau – Viqueque ba Konsellu Ministru.

Home » Announcements » Ministeriu Finansas Aprezenta OJE 2019 inklui Relatoriu Nasional Dezenvolvimentu Umanu no Projeitu Estrada Baucau – Viqueque ba Konsellu Ministru. Print Page

Ministeriu Finansas Aprezenta OJE 2019 inklui Relatoriu Nasional Dezenvolvimentu Umanu no Projeitu Estrada Baucau – Viqueque ba Konsellu Ministru.

20181031_Vise-Ministra Finansas Aprezenta Relatóriu Nasionál Dezenvolvimentu Umanu Iha Ambitu Eknontru Konsellu Ministru_Fina

Sorumutu Konsellu Ministru ohin 31 Outubru 2018, Vise-Ministra Finansas e Ministra Finansas Interina, Sara Lobo Brites aprezenta proposta Orsamentu Jerál Estadu 2019 ne’ebé maka sei aprezenta ba Parlamentu Nasional iha semana oin. Iha opurtunidade ne’e mos, Vise Ministra aprezenta mos Relatóriu Nasionál Dezenvolvimentu Umanu ba Primeiru Ministru Taur Matan Ruak.

Relatóriu Nasionál Dezenvolvimentu Umanu ne’e bazeia ba inkeritu ne’ebé hala’o ona hamutuk ho Universidade Flinder hosi Australia no Programa Nasoens Unidas ba Dezenvolvimentu (UNDP sigla iha Ingles). Relatóriu ne’e foka liu kona-ba situasaun atual no bein-estar moris ba joven sira ho ninia rekomendasaun kona-ba investimentu hadi’ak kualidade iha área saúde, edukasaun, ekonomia no mos investimentu iha dezenvolvimentu hodi nune’e joven sira bele hetan opurtunidade hodi aumenta bein-estar ba joven tomak.

Iha parte seluk, Vise Ministra e Ministra Finansas Interina, Sara Lobo Brites, aprezenta mos Projeitu Rehabilitasaun no Melloramentu ba Estrada Baucau no Viqueque, liuhosi fundus empréstimu hosi Banku Dezenvolvimentu Aziátiku (ADB, sigla Ingles). Tuir prazu ezekusaun durasaun ba projeitu ne’e tinan 3 no sei hahú iha tinan 2019 to’o 2021. Objetivu prinsipál hosi projeitu ne’e atu fornese rede estrada ida seguru , viável no ho kualidade boot. Rede estrada foun ida ne’e sei fó impaktu pozitivu tebes, tanba sei reforsa no aumenta efisénsia mobilidade ba ema no sasán liu-liu sei apoiu atu hasa’e mós ekonomia nomós hatun kiak iha área rural sira.