• Ministériu Finansas Aprezenta Proposta Banku Investimentu Europeia ba Konsellu Ministru

Home » Anúnsiu » Ministériu Finansas Aprezenta Proposta Banku Investimentu Europeia ba Konsellu Ministru Imprime pájina

Ministériu Finansas Aprezenta Proposta Banku Investimentu Europeia ba Konsellu Ministru

20190612_Ministériu Finansas Aprezenta Proposta Banku Investimentu Europeia

Ministériu Finansas liuhosi Ministra Finansas en Ezersisiu no atual Vise Ministra Finansas, Sara Lobo Brites ohin 6 Junu 2019 iha Sorumutu Konsellu Ministru ne’ebe realiza iha Palasiu Governu hato’o proposta kona-ba apoiu asistensia tékniku hosi Banku Investimentu Europeia ba Governu Timor-Leste.

Banku Investimentu Europeia (European Investment Bank) nu’udar instituisaun hosi Uniaun Europeia ho ninia natureza laos buka lukru ho ninia sede iha Luxemburgu ne’ebé mak konsede empréstimus, garantias no presta assistênsia téknika no kapitál ba projetus emprezariais sira hakarak apoiu Timor-Leste ba preparasaun projetu investimentu Governu nian ne’ebé hakarak atu implementa.

Akordu ida ne’e hanesan apoiu tékniku implementasaun ba Ministériu sira, hanesan Ministériu Transporte Komunikasaun (MTK), Ministériu Obras Publiku (MOP), Ministériu Sáude no Ministériu Edukasaun ne’ebé maka hakarak halo estudu ba projetu ruma aliña ho Planu Estateziku Dezenvolvimentu Nasional (PEDN) nomós ho prioridade Governu nian.
“Banku Investimentu Europeia hakarak apoiu 5 millaun euro, hodi apoiu tékniku prepasaun ba projetu investimentu ne’ebé maka Governu hakarak implementa” dehan Ministra Finansas En Ezersisiu, Sara Lobo Brites iha Palasiu Governu hafoin aprezenta proposta refere iha Sorumutu Konsellu Ministru.

Konsellu Ministru presiza halo aprovasaun ba konteudu tomak hosi akordu antes tama iha faze konkordansia hodi asina dokumentus refere molok haruka ba iha Bruxelas