• Ministériu Finansas Aprezenta Proposta Dekretu Lei Orgánika Autoridade Aduaneira no Tributária

Home » Anúnsiu » Ministériu Finansas Aprezenta Proposta Dekretu Lei Orgánika Autoridade Aduaneira no Tributária Imprime pájina

Ministériu Finansas Aprezenta Proposta Dekretu Lei Orgánika Autoridade Aduaneira no Tributária

Hodi garante prestasaun servisu ho efikasia no efisiente ba sidadaun sira, ohin 7 Agostu 2019 Ministra Finansas En Ezersisiu no Vise Ministra Finansas Sara Lobo Brites aprezenta proposta Dekretu-Lei alterasaun dahuluk kona-ba estrutura orgánika Autoridade Aduaneira no Tributária ba Konsellu Ministru.

Aprezentasaun proposta Dekretu-Lei kona-ba alterasaun dahuluk hosi estrutura orgánika ba Autoridade Aduaneira atu hare’e ba komplesidade hosi kna’ar ne’ebé Autoridade Aduaneira dezempeña hodi halo ajustamentu balu ne’ebé permiti atu administrasaun bele hatán ho transparente ba dezafiu sira ne’ebé enfrenta lor-loron.

Diploma ida ne’e sei akresenta estrutura ba Autoridade Aduaneira servisu sira kona-ba planeamentu no finansas, lojístika no jestaun ba patrimóniu no manutensaun, administrasaun no rekursu umanu nomós ba unidade rekursu. No sei altera mós designasaun ba dirijente másimu Autoridade Aduaneira nian, ne’ebé tuirmai sei bolu ho naran Komisáriu.

Nune’e mos alterasaun ba estrutura no atribuisaun hosi servisu sentrál Autoridade Tributária ba servisu sira hanesan deklarasaun no likuidasaun, jestaun antifraúde, devolusaun no re-enbolsu ba impostu sobre valor akresentadu, aprovizionamentu no kontratu, sistema informasaun no rejistu kontribuinte, relasaun internasionál Tributária, komuniksaun no relasaun públika ba kontratante no sub-kontratante ba inspesaun Tributária petrolífera no ba inspesaun Tributária minerál.

“Proposta ida-ne’e sei analiza fila fali iha reuniaun Konsellu Ministru hodi hein mós pareser hosi Komisaun Funsaun Públika”. Tenik Vise Ministra Finansas, Sara Lobo Brites.