- Ministériu Finansas Aprezenta Proposta kona-ba Investimentu Fundu Petrolíferu
Home » Anúnsiu » Ministériu Finansas Aprezenta Proposta kona-ba Investimentu Fundu Petrolíferu Imprime pájina
Ministériu Finansas Aprezenta Proposta kona-ba Investimentu Fundu Petrolíferu
Ministra Finansas en Ezersisiu no Vise Minitra Finansas Sara Lobo Brites aprezenta proposta Rezolusaun Governu ne’ebé aprova hosi Konsellu Ministru (KM) kona-ba regras no kriteria selesaun, jestaun no avaliasaun investimentu efetuadu hosi Fundu Petrolíferu. Aprezentasaun ne’e hala’o durante enkontru Konsellu Ministru ne’ebé dirizi hosi Primeiru Ministru Taur Matan Ruak iha Palasiu Governu, 20 Fevereiru 2019.
Konsellu Ministru aprova tiha ona kriteria no regras kona-ba Lei Atividade Fundu Petrolífera tuir artigu 22 N0 6 hosi Lei N.º 1/ 2019 de 18 Janeiru kona-ba Alterasaun Dahuluk Lei N.º 13/2005, 2 Setembru hosi Leis Atividades Petroliferas. Konteudu tomak hosi artigu ne’e hateten katak, Fundu Petrolíferu bele aplika diretamente ba iha Operasoens Petrolíferas,iha rai laran no mos rai liur, através selebrasaun transasoens komersiais ho Timor Gap. EP haktuir hosi artigu 15. Lei n.º 9/2005, 3 de Agostu, ne’ebe mak publika fila fali liuhosi Lei n.º 12/2011, 28 de Setembru.
“Ministériu Finansas iha obrigasaun tuir lei atu aprezenta ba Parlamentu Nasional kona-ba kriteria sira. Nia prosesu maka hanesan aprova tiha hotu lai regras depois aprezenta ba Parlamentu Nasional para hetan apresiasaun depois maka sei estabelese protokolu entre Banku Central Timor Leste (BNCT) ho Timor Gap para bele implementa prosesu transferensia”. Hateten Ministra Finansas en Ezersisiu no Vise Minitra Finansas Sara Lobo Brites.