• MF Hala’o Audiénsia públika ho Komisaun C Kona-ba proposta OJE 2020

Home » Anúnsiu » MF Hala’o Audiénsia públika ho Komisaun C Kona-ba proposta OJE 2020 Imprime pájina

MF Hala’o Audiénsia públika ho Komisaun C Kona-ba proposta OJE 2020

20200110_Komunikadu de Imprensa_Audencia entre MF e Komisaun C 9 1 2020

Kinta, 09 Janeiru 2020, 9:30htl

Iha dader, loron 9 fulan-Janeiru tinan 2020, Vice/Ministra Finansas Interina, Sra. Sara Lobo Brites akompaña hosi Diretores Jerais, Diretores Nasionais no Acessores Nasionais hosi Ministériu Finansas, atende audiénsia ho Komisaun Espesializada iha área Ekonomia no Finansas-Komisaun C, hodi rona no hatan ba observasaun hosi membru Komisaun C kona-ba ezekusaun Orsamentu Jerál Estadu (OJE) tinan 2019 no apresiasaun inisiál ba Proposta Lei OJE ba tinan 2020, alem-de ne’e diskusaun abranje mos ba área Autoridade Tributaria no Autoridade Aduaneira no progressu hosi Reforma Fiskal no Reforma Jestaun Finansas Públikas.

Diskusaun kontinua to’o parte lokraik no la’o ho konstrutivu to remata iha horas 16.00htl. Tuir konkordansia, Ministériu Finansas sei apresenta ba Komisaun C iha loron 13 janeiru 2019, matéria sira ne’ebé koloka durante audi’ensia pur eskrita hodi bele ajuda Komisaun C prepara parecer tékniku ba Sesaun Plenária ne’ebé tuir ajenda hosi Parlamentu Nasionál prevê atu hahú iha Kuarta-Feira dia 15 Janeiru 2020.

Audiénsia Públika sira-ne’e hala’o hahu loron 6 to’o loron 10 fulan-Janeiru. Durante períodu ida-ne’e, Komisaun sira iha Parlamentu Nasionál simu membru Governu sira, no Dirijentes hosi Orgaun Estadu sira, Dirijente sira hosi Administrasaun Públika no reprezentante sira hosi sosiedade sivíl no Organizasaun sira.

Proposta OJE ne’e, ho montante totál USD Billaun 1.668 (Dolar Amerikanu Billaun ida atus neen, neenulu-resin ualu milloens), ne’ebé inklui reseita sira ne’ebé maihosi RAEOA/ZEESM no Empréstimu sira, atu kobre nesesidade sira hosi programa/prioridade nasionál sira ne’ebé VIII Governu Konstitusionál define ona. Proposta OJE revistu ne’e hetan ona aprovasaun iha Sorumutuk Konsellu Ministrus, iha loron 19 fulan-dezembru tinan 2019, no submete kedas ba Parlamentu Nasionál iha loron hanesan.

Remata.