• Ministériu Finansas Fahe Pakote Fiskal 2020 Ba Instituisaun Estadu

Home » Anúnsiu » Ministériu Finansas Fahe Pakote Fiskal 2020 Ba Instituisaun Estadu Imprime pájina

Ministériu Finansas Fahe Pakote Fiskal 2020 Ba Instituisaun Estadu

IMG_20190813_Ministériu Finansas Fahe Pakote Fiskal 2020 Ba Instituisaun Estadu 1

Ministériu Finansas Liuhosi Diresaun Jerál Finansas Estadu iha loron 9 Agustu 2019, dezemina informasaun kona-ba preparasaun Orsamentu 2020 ba liña Ministériu no instituisaun estadu sira atu bele hola referensia ne’ebé asosiadu ba preparasaun orsamentu tuir polítika no programas VIII Governu nian.

Orsamentu 2020 aliña ho prioridade no programa sira ne’ebé hatur ona iha livru elaborasaun Orsamentu Jerál Estadu 2020 to 2023. Aliñamentu programa 5 anos VIII Governu konstitusional ninian no halo aliñamentu ba Planu Estratezia Dezenvolvimentu Nasionál (PEDN) ne’ebé defini ona nia alvu inklui ninia rezultadu.

Ho tempu ne’ebé limitadu, Ministériu Finansas sei halo kooperasaun masimu oinsa bele halo susesu ba preparasaun Orsamentu Jerál Estadu 2020.

“Too fim de Agostu ita bo’ot sira tenke aprezenta fali ita bo’ot sira nia proposta orsamentu 2020. Signifika ita bo’ot sira iha semana tolu prepara ita bo’ot sira nia orsamentu”. Hateten Diretór Jerál Finansas Estadu Januario Gama da Gama

Hodi bele asegura aplikasaun orsamentu 2020 tuir programas, Ministériu Finansas kuntinua konsolida nafatin informasaun atu nune’e la iha duplikasaun orsamentu. Wainhira institusiaun estadu hotu-hotu bele elabora orsamentu tuir kategoria no área prioridades, bele evita duplikasoins iha liña setorais kada instituisoens estadu ne’ebé maka iha programa transversais wainhira tama iha faze ezekusaun.

“Ita sei defini didiak polítika ne’ebé maka ita hakarak atu implementa iha tinan oin. Ita mós sei disiplina liu bainhira ita konsege tuir duni programas ne’ebé maka ita hakarak implementa”. Haktuir Ministra Finansas en Ezersisiu no atual Vise Ministra Finansas, Sara Lobo Brites.