• Ministériu Finánsas Hala’o Audiénsia Publiku Ho Komisaun C Parlamentu Nasionál

Home » Anúnsiu » Ministériu Finánsas Hala’o Audiénsia Publiku Ho Komisaun C Parlamentu Nasionál Imprime pájina

Ministériu Finánsas Hala’o Audiénsia Publiku Ho Komisaun C Parlamentu Nasionál

03 de Febereiru, 2021.

Salaun Enkontru Komisaun C Parlamentu Nasionál, Dili Timor-Leste Vise-Ministra Finánsas Dra. Sara Lobo Brites akompaña husi Diretór Jerál no Diretór Nasionál- Ministériu Finánsas (MF) hala’o audiénsia publiku ho Komisaun C Parlamentu Nasional (PN) kona-ba Konta Jerál Estadu Tinan-2019.

Iha audiénsia ne’e, S.E Vise-Ministra Finansas Dra. Sara Lobo Brites informa katak Ministériu Finánsas nia prezensa iha audiénsia publiku ho Komissaun C ohin loron atu hatan ba kestaun sira ne’ebé relasiona ho Konta Jerál Estadu tinan-2019.

“Esforsu Governu liuhusi Ministériu Finánsas, Primeira vez iha tinan-2018, Ministeriu Finánsas simu 50 rekomendasoens husi Kamara Kontas kona-ba Konta Jerál Estadu. Embora ho difikuldade sira ne’e MF infreta no iha tinan-2017 to 2019 konsege redus to 20 ital rekomendasaun”, esplika S.E Vise-Ministra Finansas Sara Lobo Brites.

Vise-Ministra mós esplika, husi rekomendasaun sira ne’ebé maka Kamara Kontas rekomenda ba iha Konta Jerál Estadu 2019 purvolta 20 ital rekomendasaun no metade husi rekomendasaun sira ne’e mai husi 2018 nian to ohin loron MF sei nafatin implementa parsialmente.

“Ami nia espektativa melloria iha kuadru legais sira sei kontribui ba hasae kualidade iha preparasaun Orsamentu nomós ezekusaun iha tinan sira tuir mai no inklui preparasaun relatóriu ba Cambra de Contas”, reforsa Vise-MF.

Iha tinan 2021 MF iha planu lubuk ida atu realiza, tanba Konsellu Ministru aprova ona enkuadramentu foun ba Orsamentu Jestaun Finanseira hodi halo revizaun ba lei aprovizionamentu no kontratu publiku sira.

Iha sorin seluk, tuir Presidente Komisaun C Maria Angélica Rangel da Cruz dos Reis esplika tuir depois PN simu relatóriu Konta Jerál Estadu Tinan-2019, Prezidenti Parlamentu Nasionál (PPN) haruka ba Komisaun C atu bele halo audiénsia turi atigu 95 N0 3 -E Konstituisaun Repúblika fó kibit ba PN hodi halo fiskalizasun polítika ba orsamentu estadu tinan-tinan.

“Tanba ne’e maka ohin bolu Ministériu Finánsas atu hatan ba Konta Jerál Estadu Tinan-2019, ne’ebé mak ezekuta ona iha tinan rua liu ba”, reforsa Presidente Komisaun C.

Partispa iha Audensia Publiku ne’e, Presidente Komisaun C Maria Angélica Rangel da Cruz dos Reis ho nia-estrutura no MF nian marka prejensa husi reprejenta Diresaun Jerál Jetaun Patrimóniu Estadu, Timotea P. Marques, Diretór-Jerál Planiamentu no Orsamentu, José Alexandre de Carvalho, Diretór-Jerál Tejouru, Regina de Jesus de Sousa, Inspektór Jerál-Ministériu Finánsas Ernesto da Conceição Silva, Kordenadór Fundu Petrolíferu, Filipe Nery Bernardo.