• Ministériu Finansas Hala’o Serimónia Icar Bandeira

Home » Announcements » Ministériu Finansas Hala’o Serimónia Icar Bandeira Print Page

Ministériu Finansas Hala’o Serimónia Icar Bandeira

MG_5307

Dili-Funsionariu Ministériu Finansas hala’o serimónia Icar Bandera ba semana dahuluk fulan Julhu nian nian iha edifisiu Tore Ministériu Finansas Aitarak Laran (03/07/2017).

Iha serimónia Icar Bandera ida ne’e hetan partisipasaun másimu hosi funsionariu diresaun sira hotu ne’ebé maka hamahan-an iha Ministériu Finansas nia okos no responsavel ba serimónia ida ne’e mak Diresaun Gerál Impostu.

“Uluk nanain ha’u hakarak fó parabens ba ekipa Dirasaun Gerál dos Impostus ne’ebé responsabiliza serimónia Icar Bandeira iha loron ohin. Ao mesmu tempu agradese mós ba Sr. Valente ne’ebé ho nia pasiensia no esforsu tomak hodi gia ka fó treinu ba funsionariu sira hotu kona-ba serimónia hasa’e Bandera nian, tenik Sra. Monica Rangel da Cruz, Diretora Geral Impostu.

Nia hatutan, ha’u hakarak husu mós ba kargu chefia sira hotu hanesan diretores jerais no nasionais ba ita bo’ot sira atu bele fó hanoin ka kontrola nafatin ita nia funsionariu no konsultores nasionais sira para atu bele dedika-an ka bele partisipa mós iha serimónia Icar Bandeira kada fulan. Atividade Serimónia Icar Bandera la’os obrigasaun funsionariu públiku de’it maibé obrigasaun ita sidadaun sira hotu Timor tomak ne’ebé maka tutela iha Ministériu Finansas.

DG Monica mós esplika tan katak “agora hela fulan ida de’it ona ita hakat ba governu foun tanba ne’e husu ita hotu nia partisipasaun hanesan funsionariu públiku ita nia dever no obrigasaun atu servisu ho profesionalismu hodi bele servi públiku. Governu iha mudansa ka troka no ita hanesan funsionariu públiku ita nia responsabilidade hanesan (harga mati), tanba ne’e ita sei la ses husi ita nian obrigasaun sira ne’ebe ita tenki hala’o hanesan servidór públiku ka hanesan funsionariu públiku. Tanba ne’e husu ba kargu chefia diresaun sira hotu bele monitoriza no akompaña nafatin ita hotu nia servisu lor-loron hanesan servidór públiku”.

Iha fatin hanesan, le’e mós léitura Dever Gerál Funsaun Públiku husi Sra. Aida kona-ba Dever gerál ba funsionariu no agente administrasaun atu bele hametin komunidade nia fiar ba hahalok administrasaun públiku maka hanesan tuir mai ne’e:

1. Dever Kolar katak sei hala’o kna’ar tomak hodi hametin ba objetivu instituisaun servisu nian no hodi buka tuir ba intrese públiku sira nian.
2. Dever Obedese katak sei obedese no kumpri ulun bo’ot servisu sira nia orden ne’ebé hakait ba servisu ka tuir lei.
3. Dever servisu ho badinas katak sei buka hatene norma legal sira ne’ebé fó banati no halo tuir ulun bo’ot servisu sira nia atu nune’e bele hala’o nia kna’ar sira ho lolos no lalais.
4. Dever Rai Segredu katak sei rai segredu profesionál kona-ba faktu sira ne’ebé funsionariu hatene hosi nia kna’ar no bainhira faktu sira ne’e la’os atu fó sai ba públiku.
5. Dever Injensaun katak la buka hakna’ok ruma bainhira hala’o nia kna’ar diréitu ka la diréitu nu’udár osan ka la’os osan sei atua, la halis ba intrese presaun ruma ba an-rasik hodi buka respéitu igualidade ba sidadaun sira hotu.
6. Dever Asesidade katak tama servisu no hala’o kna’ar tuir oras no la kontra.
7. Dever Pontualidade katak tama servisu banati ba oras ne’ebé lei maka hatúr.

Hola parte iha serimónia ne’e mak Diretur Jeral, Diretur Nasional, Xefe Unidade, Xefe Gabinete, Koordenadores no mós funsiunariu públiku ne’ebe servisu iha Ministériu Finansas nia okos.