• Ministériu Finansas Ho Parseiru Lansa ODS Dadus Kona-bá Labarik TL 2018

Home » Anúnsiu » Ministériu Finansas Ho Parseiru Lansa ODS Dadus Kona-bá Labarik TL 2018 Imprime pájina

Ministériu Finansas Ho Parseiru Lansa ODS Dadus Kona-bá Labarik TL 2018

20190509_Ministériu Finansas Ho Parseiru Lansa ODS Dadus Kona-bá Labarik TL 2018

Ministériu Finansas liu husi Diresaun Jeral Estatístika no Parseiru The United Nations Children’s Fund (UNICEF), United Nations Fund for Population Activities (UNFPA) lansa Objetivu Dezenvolvimentu Sustentavel (ODS) no Timor Leste Birth Registration Baseline Assessment 2018, iha salaun Auditorium Ministériu Finansas Aitarak Laran Dili, 09 Maiu 2019.
Lansamentu ne’e hetan partisipasaun direta hosi Reprezentante United Nations Roy Trivedy, Embaixador Japaun mai Timor Leste Hiroshi Minami, Reprezentante UNICEF Valerie Tatou no Reprezentante UNFPA Ronny Lindstrom.

Iha abertura lansamentu refere Diretur Jeral Estatístika Elias do Santos Ferreira hanesan Reprezentante Vice-Ministra e Ministra Ezersisiu hateten, apresia no agradese ba governu Japaun, UNICEF no Diresaun Jeral Estatístika finaliza ona análiza kona-bá labarik iha âmbito ODS.

“Relatóriu ne’ebe ita lansa dadaun, importante tebes ba governu Timor-Leste no parseirus dezenvolvimentu tomak, tanba aprezenta ona informasaun ne’ebe komprehensivu kona-bá dezenvolvimentu labarik iha nasaun ne’e. Kontestu ODS nian ne’e utiliza dadus husi Timor Leste Living Standard Survey 2014/2015, sensus populasaun no uma kain 2015, peskiza demografia no saude Timor Leste 2016 no mos inklui dadus Administrativus husi Ministériu relevantes” haktuir Reprezentante Vice-Ministra Finansas.

Ministériu Finansas nia papel bo’ot mak kontinua promove politika públika bazeia ba eveiensia, nu’udar responsabilidade ministériu nian atu divulga informasaun husi relatóriu ne’e ba entidades tomak inklui setor públiku, setor privadu no parseiru dezenvolvimentu atu utiliza informasaun husi relatóriu hodi halo pratika, estratejia no programa ne’ebe diak ba dezenvolvimentu labarik iha Timor Leste.

Durante ne’e UNICEF hare liu labarik iha area saude, edukasaun, saniamentu no protesaun ba labarik ne’ebe importante liu mak dadus. Tanba kuandu halo planu ne’ebe diak tenke hatene situasaun no kondisaun.
“Tanba ne’e ami servisu hamutuk ho Ministériu Finansas liu hosi Diresaun Jeral Estatístika atu publika relatóriu Rua ne’e atu nune’e sai figura bo’ot ba situasaun labarik nian iha Timor Leste” katak Reprezentante UNICEF, Valerie Tatou