- Ministériu Finansas kontinua halo debates ho Parlamentu Nasional kona-ba Konta Jerál Estadu 2017.
Home » Anúnsiu » Ministériu Finansas kontinua halo debates ho Parlamentu Nasional kona-ba Konta Jerál Estadu 2017. Imprime pájina
Ministériu Finansas kontinua halo debates ho Parlamentu Nasional kona-ba Konta Jerál Estadu 2017.
Ministériu Finansas liu hosi Ministra Finansas en Ezersisiu no atual Vice Ministra Finansas Sara Lobo Brites, iha loron 11 Marsu 2019 marka prezensa iha Parlamentu Nasional hodi kontinua halo diskusaun durante loron tomak ho Komisaun C kona-ba Konta Jerál Estadu 2017 ne’ebé hato hosi Tribunal das kontas.
Debates ida ne’e importante tebes ba prosesu fiskalizasaun hosi Tribunal das Kontas nomós apresiasaun fiskalizasaun polítika hosi Parlamentu Nasional nu’udár kontribuisaun fundamental ba prosesu konsolidasaun demokratika nasaun nian, liu-liu ba responsabilidade kona-ba asaun governu nian.
“Responsabilidade ho onestidade no transferensia maka regra ne’ebé esensial no efikasia ba utilizasaun ne’ebé lo’os ba osan públiku nian. Iha parte seluk hare’e ba kompleksidade dezenvolvimentu permanente makina estadu nian iha pais ne’ebé iha prosesu dezenvolvimentu no prekursu konsolidasaun, importante atu hadia mekanismu fiskalizasaun kontrolu ne’ebé fó biban verifika komprimentu ba prosedimentu legais hosi kestaun repúblika ida ne’e” hateten Ministra Finansas en Ezersisiu atual Vice Ministra Finansas Sara Lobo Brites iha Uma Fukun.
Relasiona ho rekomendasaun ba Konta Jerál Estadu, tinan 2016 rejistu 47 rekomendasaun no iha tinan 2017 tu’un ba 23 rekomendasaun. Redusaun ida ne’e atu hatudu legarias satisfatoriu ba ezekusaun orsamentu ba tinan 2017 relativa ho tinan anterior iha ambitu demostrasaun finanseira no iha elaborasaun Konta Jerál Estadu.
“VIII Governu komprimetidu atu kontinua implementa medidas ba reforma ne’ebé sei garantia boa administrasaun ba osan publiku ne’ebé osan barak liu mai hosi fundu minarai, rasionaliza despezas publikas, kortes iha despezas perflus, disiplina iha prioridades sira ne’ebé planeadu ona, orientasaun ho efikasia ba implementasau mekanismu sira monitorizaun no avalisaun hanesan komprimisiu Governu nian atu hadia iha despezas” Deklara Ministra Finansas en Ezersisiu.
Rekomendasaun hosi Kamara de Kontas no Tribunal Rekursu nu’udar forma ida ne’ebé importante kona-ba asuntu koresaun ho nia regulamentu liu-liu iha ârea orsamentu, ezekusaun despezas, admistrasaun iha finanseira ba implementasau Orsamentu Jeral Estadu nian.
Ministra Finansas en Ezersisiu no Vice Ministra Finansas Sara Lobo Brites antes hakotu diskursu hato’o apresiasaun ba vontade servisu hamutuk “Sistema kontrolu tribunal ida ne’e importante atu avalia jestaun finanseira no komprimentu ba regras sira. Ho liafuan seluk atu avalia ezersisiu kualidade governativu no promove servisu kontribui ba pais ida nian.”.
Komisaun C Parlamentu Nasional nu’udar Komisaun ne’ebé mak responsabiliza ba asuntu Finansas Públikas ho ninia enkuadramentu servisu hare liu ba Orsamentu Jeral Estadu hodi rona kona-ba relatóriu hosi Tribunal de Kontas relasiona ho Konta Jerál Estadu.
Haktuir hosi Dekretu-Lei N.º 14 /2018, 17 Agostu kona-ba Orgânika VIII Governu Konstitusional, Ministériu Finansas nu’udar departamentu governamental ne’ebé responsável hodi dezenha kona-ba ezekusaun, koordenasaun no avalia polítika, ne’ebé definida no aprovada hosi Konsellu Ministrus, iha áreas planeamentu no monitorizasaun anual hosi orsamentu Finansas Públikas