• Ministériu Finansas kontinua Realiza Sesaun Traballu kona-ba Planeamentu Orsamentu bazeia ba Rezultadu Desentralizasaun

Home » Anúnsiu » Ministériu Finansas kontinua Realiza Sesaun Traballu kona-ba Planeamentu Orsamentu bazeia ba Rezultadu Desentralizasaun Imprime pájina

Ministériu Finansas kontinua Realiza Sesaun Traballu kona-ba Planeamentu Orsamentu bazeia ba Rezultadu Desentralizasaun

Hodi bele fortifika servisu kona-ba planeamentu orsamentu bazeia ba rezultadu desentralizasaun ne’ebe mak antes ne’e hala’o tiha ona iha Baucau, Ermera, Covalima inklui Rejiaun Espesial Oecusse, iha loron 25 – 26 Abril 2019, Ministériu Finansas ho nia Parseiru The United Nations Children’s Fund (UNICEF), kontinua programa refere ba Munisípiu Dili ne’ebe realiza iha Ilha Atauro semana kotuk liu ba.

Partisipantes hosi Sesaun Traballu ne’e mai hosi reprezentante hosi kada Instituisaun Estadu sira ho ninia orador hosi Unidade Planeamentu Monitorizasaun no Avaliasaun (UPMA), Ministériu Sosial Solidariedade no Inkluzaun, Ministériu Finansas, Ministériu Estatal no Komisaun Direitu Labarik.

“Ministériu Finansas sei konvoka sesaun traballu nivel Nasionál hodi koalia prioridade orsamentu 2020” hateten Reprezentante Ministériu Finansas, Diretúr Jéral Finansas Estadu Januario da Gama, iha sesaun enseramentu wainhira hato’o agradesimentu ba ekipa Ministériu Finansas no UNICEF inklui partisipantes sira tanba bele tuir atividade ne’e to remata.

Sesaun Traballu loron 2 ne’e koalia kona-ba planeamentu, direitu labarik inklui prespetiva jéneru no mós introdusaun kona-ba Sistema manajamentu finansas nian.