- Ministériu Finansas kuntinua Halo Diskusaun OJE 2020 liuhosi KROP
Home » Anúnsiu » Ministériu Finansas kuntinua Halo Diskusaun OJE 2020 liuhosi KROP Imprime pájina
Ministériu Finansas kuntinua Halo Diskusaun OJE 2020 liuhosi KROP
Komite Revizaun Orsamentu Polítika (KROP) kuntinua halo diskusaun ba loron dahaat hodi ajusta programas prioridade ba tinan 2020 iha Salaun Auditóriu Xanana Gusmão, Ministériu Finansas, loron 12 Setembru 2019.
Iha loron dahaat, KROP diskuti proposta hosi Ministériu Koordenadór Asuntus Ekonómikus e Ministériu Turizmu, Komérsiu no Indústria, Ministériu Justisa, Sekretária Estadu Dezenvolvimentu Setór Kooperativa no Sekretária Estadu ba Formasaun Profisionál no Empregu, Inspesaun Jerál Traballu, Sentru Formasaun SENAI, Sentru Nasionál Empregu no Formasaun Profesionál-Tibar, Institutu Nasionál Dezenvolvimentu Maundeobra (INDMO) no Institutu Peskiza, Dezenvolvimentu, Formasaun no Promosaun Bambu.
Diskusaun ba loron ohin, 13 Setembru 2019, Ekipa KROP kuntinua halo diskusaun ho Ajensia Promosaun no Esportasaun Timor Leste- Trade Invest, Servisu Rejistu no Verifikasaun Emprezarial (SERVE) no Sentru Lojistika Nasional (CLN).