• Ministériu Finansas Kuntinua kapasita Ofisial Lojistika konaba utiliza Patrimoniu estadu hosi Instituisaun Estadu no liña Ministerial

Home » Anúnsiu » Ministériu Finansas Kuntinua kapasita Ofisial Lojistika konaba utiliza Patrimoniu estadu hosi Instituisaun Estadu no liña Ministerial Imprime pájina

Ministériu Finansas Kuntinua kapasita Ofisial Lojistika konaba utiliza Patrimoniu estadu hosi Instituisaun Estadu no liña Ministerial

20191007_Ministériu Finansas Kuntinua kapasita Ofisial Lojistika 1

Diresaun Nasionál Monitorizasaun Jestaun Patrimoniu Estadu (DNMGPE) hosi Ministériu Finansaskontinua kapasita Oficial Logistica ho efisiense no efikas tuir prosedimentu ne’ebe Ministériu Finansas implementa ba ofisiais Lojistika husi Instituisaun estadu no liña Ministerial sira. Treinamentu ne’e hahu’u hosi loron 30 Setembru to loron 4 Outubru 2019 iha salaun DNMGPE Balide Dili – Timor Leste.

“Materia treinamentu kobre Jestaun Inventáriu, Jestaun Rejistrasaun ou Identifikasaun, Jestaun Viatura Estadu no Jestaun Aliñasaun” Tenik Diretora Nasionál DNMJPE, Timotia P. Marques.

Diretora Nasionál DNMJPE mos rekuñese katak realizasaun treinamentu ne’e bazea ba avaliasaun no asesmentu ne’ebe halo ba liña Ministériais sira konaba implementasaun jestaun tékniku patrimóniu estadu no nian rezultadu agregadu 72%.

“Formasaun ne’e hanesan koñesementu ba Oficial lojístika oinsa atu kontrola transporte sira ne’ebe agora dadaun instituisaun no ministerius sira uza no oinsa atu bele hala’o lalaok lojistiku iha institusaun idak-idak ho diak”hateten partisipantes treinamentu hosi Institu AIFASE, Mario da Costa.

Treinamentu regular ne’ebe sempre realiza kada tinan hetan partisipasaun másimu hosi reprezentante Instituisaun estadu no mos liña ministeriais sira no tinan ne’e total partisipante ne’ebe mak tuir tiha ona treinamentu ne’ebe fornese hosi DNMGPE hamutuk ema 119.