• Ministériu Finansas Lansa Formasaun Nasionál Kontabilidade Setór Públiku ba 36 Ajensia Autónomu

Home » Anúnsiu » Ministériu Finansas Lansa Formasaun Nasionál Kontabilidade Setór Públiku ba 36 Ajensia Autónomu Imprime pájina

Ministériu Finansas Lansa Formasaun Nasionál Kontabilidade Setór Públiku ba 36 Ajensia Autónomu

20191001_Ministériu Finansas Lansa Formasaun Nasionál Kontabilidade Setór Públiku ba 36 Ajensia Autónomu

Bazeia ba rekomendasaun hosi Tribunal de kontas inklui rekomendasoens hosi Parlamentu Nasional hodi husu Ajensia Autónomu sira halo relatóriu rasik. Ministériu Finansas liuhosi Diresaun Nasionál Kontabilidade no Regulasaun Finanseiru (DNKRF) iha loron Segunda, 30 Setembru 2019 kuntinua realiza Formasaun Nasionál Kontabilidade no Relatóriu Finanseiru Setór Públiku ba 36 Ajensia Autónomu iha Auditóriu Kay Rala Xanana Gusmão, Ministériu Finansas.

Formasaun ne’ebe sei remata iha loron 11 Outubru 2019, nu’udar formasaun kuntinuasaun hosi formasaun ne’ebe mak antes ne’e hala’o tiha ona hosi Ministeriu Finansas ba rejiaun tolu hanesan parte rai klaran kobre Munisípiu Ainaro, Manufahi, Aileu no Covalima no iha parte Oste kobre Munisípiu Liquica, Ermera, Bobonaro no Dili. Ikus liu mak parte oeste ne’ebe kobre Munisípiu Baucau, Lautem, Viqueque no Manatuto.

“Objetivu husi treinamentu ne’e atu kapasita funsionáriu hodi bele iha koñesementu ne’ebe klean hodi hala’o sira nian funsaun liu-liu iha área kontabilidade no relatóriu finanseira tuir padraun kontabilidade International iha setor públiku ho naran IPSASB (The International Public Sector Accounting Standards Board) ”, tenik Diretora Jeral Tezouru Interina no atual Diretora Nasional Pagamentu, Regina de Jesus Sousa.

Formasaun Nasionál Kontabilidade no Relatóriu Finanseiru aplika modelu aprezentasaun liuhosi powerpoint, vídeo tutorial inklui manual hosi livru matadalan kona-ba kontabilidade no relatóriu finanseiru ne’ebe produs hosi Diresaun Nasionál Kontabilidade no Regulasaun Finanseiru.