- Ministériu Finansas Lansa IPK Fulan Marsu 2019
Home » Anúnsiu » Ministériu Finansas Lansa IPK Fulan Marsu 2019 Imprime pájina
Ministériu Finansas Lansa IPK Fulan Marsu 2019
Ministériu Finansas (MF) liu husi Diresaun Jéral Estatistika (DJE) halao lansamentu ba Indise Presu Konsumedor (IPK) fulan Marsu 2019 iha salaun Reha Diresaun Jéral Estatistika, Tersa-feira foin lalais ne’e.
Tuir Diretur Jerál Estatístika Elias Dos Santos Ferreira haktuir, mudansa presentanjen IPK iha gropu mensal sa’e +0.1% ba fulan Marsu 2019 nian, maibe kompara ba fulan Fevereiru 2019 sa’e mós +0.1%. presu sa’e tanba hetan kontribuisuan maioria husi gropu hahan no bebidas la’os alkoholika +0.1%, uma +0.9, alcohol no tabako +0.3%, hatais no sepatu +0.4%.
“Aliemde Gropu ekipamentus no manutensaun mobilario uma laran -0.3% sira hanesan mudansa kontrariu (offset) ba inflasaun grupu hotu. Gropu hahan no bebidas la’os alkoholika sa’e hetan impaktu maioria husi sub gropu vejetais +11%, susben, keju no manutolu +0.5 no frutas +0.5%. Nune’e mós sub gropu fos -0.2% no naan -0.1% sai hanesan mudansa kontrariu ba gropu hahan no bebidas laos alkoholika. Aliemde ne’e fos tun iha fulan ida ne’e tamba afeta husi presu fos importasaun neebe hatudu iha presu fos mundial tun 7% iha trimestral ikus fulan Marsu 2019,” deklara Diretúr Jerál ne’e.
Diretúr ne’e mós esplika liu tan katak, mudansa IPK annual sa’e +1.4% kompara fulan Marsu 2019 no Marsu 2018, hetan kontribuisaun husi gropu hahan no bebidas laos alkoholika +1.3% alkhol no tabaku +8.3% edukasaun +9.0% transporte +1.6% uma +0.8%, rekreasaun no kultura + 0.4% no hatais no sepatu +0.3% ekipamentus no manutensaun mobilario uma laran –o.7% no komunikasaun -0.2% sai hanesan mudansa kontrariu ba annual Marsu 2019.
“ Inflasaun Tradable 0.0% laiha mudansa no Non-Tradable +0.4% sa’e iha mensal kompara fulan marsu 2019 maibe iha fulan Fevereiru 2019 Inflasaun Tradable +0.7% no non-tradable +0.8% sa’e iha annual kompara fulan Marsu 2019 ho Marsu 2018,” aumenta Elias dos Santos Ferreira.