• Ministériu Finansas lansa sistema ASYCUDA iha Aero Portu Kayrala Xanana Gusmão, Suai – Covalima.

Home » Anúnsiu » Ministériu Finansas lansa sistema ASYCUDA iha Aero Portu Kayrala Xanana Gusmão, Suai – Covalima. Imprime pájina

Ministériu Finansas lansa sistema ASYCUDA iha Aero Portu Kayrala Xanana Gusmão, Suai – Covalima.

20190314_1. Ministériu Finansas lansa sistema ASYCUDA iha Aero Portu Kayrala Xanana Gusmão

ASYCUDA nu’udar sistema informatizadu kona-ba jestaun aduaneira ne’ebé kobre prosedimentus komérsiu hosi rai liur nian. Sistema ne’e manifestu deklarasoens aduaneiras ho nia prosedimentus trânzitu no maneira kona-ba suspende nian. Programa ne’e rasik ASYCUDA desenvolve iha Genebra hosi UNCTAD.
Timor Leste oficialmente aplika sistema ne’e liuhosi aprovasaun Rezolusaun iha âmbitu VI Governu Konstitusional iha loron 25 Abril 2017 liuhosi reuniaun Konsellu Ministru ne’ebe hato’o hosi Eis Vice Ministru VI Governu Konstitusional, Helder Lopes.

Programa ASYCUDA nu’udar programa introdusaun informatizasaun hodi simplifika kona-ba prosedimentus hodi minimiza kustos administrativus ba empresarial sira. Nune’e mos hodi bele aumenta reseita aduaneira, ne’ebe sai kontribuinte principal ba orçamentu estadu nian.

Hodi bele aumenta kapasidade atendementu liuhosi aplikasaun sistema ne’e, VIII Governu Konstitusional, liuhosi Ministériu Finansas kuntinua reforsa liuhosi instalasaun aparellu ASYCUDA ne’ebe lidera hosi Autoridade Aduaneira iha Aero Portu Kayrala Xanana Gusmão Suai, 13 Marsu 2019.


“Sistema ne’e nia vantanjen mak minimiza servisu manual ne’ebe durante ne’e han tempu barak hodi halo prosesu sasan ruma no atrai ema estranjeiru sira hodi investe iha ita nia rain, inklui mos bele ajuda tebes servisu ajente autoridade, broker no despaixantes sira” haktuir Dirétur Nasional Operasional Autoridade Alfadenga Juliao Jose Ximenes wainhira halo lansamentu ba aplikasaun sistema refere.

Lansamentu ba sistema ASYCUDA iha Suai-Covalima, nu’udar marka pasu foun iha prosesu konstrusaun estadu, liu-liu assegura prosesu tomak kona-ba transaksaun iha linha fronteriras Timor Leste nian.Administrador Munsípiu Covalima Afonso Nogeira Nahak ne’ebe marka mos prezensa durante lansamentu deklara katak “ Autoridade Lokal iha Munisipiu Covalima Prontu apoio atividade husi Ministériu Finansas liu husi Diresaun Jéral Autoridade Aduaneira iha Munisipiu Covalima. Sistema refere, pasparte hosi prosesu dezevolvimentu ba Covalima nian”


Iha lansamentu ne’e fahe mos sertifikadu ba Delegasaun Autoridade Aduaneira Aeroportu Kayrala Xanana Gusmão ne’ebe mak partsipa tiha ona iha formasaun kona-ba ASYCUDA World System.