- Ministériu Finansas Loke Leilaun Publiku ba Ai horis no Bein Movies
Home » Anúnsiu » Ministériu Finansas Loke Leilaun Publiku ba Ai horis no Bein Movies Imprime pájina
Ministériu Finansas Loke Leilaun Publiku ba Ai horis no Bein Movies
Ministériu Finansas liu husi Diresaun Nasional Monitorizasaun Jestaun Patrimoniu Estadu (DNMGPE) iha loron 5 Desembru 2018, loke leilaun konaba hasta públiku ba Ai horis iha Edifisio Diresaun Jéral Floresta munisípu Covalima.
Proposta leilaun ne’e mai hosi Ministériu Agrikultura no Peska liu hosi Diresaun Floresta hodi koordena no verifika aihoris sira nebe afetadu ba Projetu Supply Base iha Covalima ne’ebé hetan tiha ona aprovasaun husi Ministériu Finansas.
Ai horis sira nebe maka verifikadu hodi halo “Leilaun Hasta Públiku maka hanesan Ai-Gemilina hamutuk 51, Ai-Teka 1596 no Ai-Mahoni 7. Total Ai hirak ne’ebé hetan leilaun hamutuk 1654.
Partisipa iha leilaun ne’e mai husi Komisaun Leilaun, Ekipa Tékniku hosi Ministériu Finansas inklui Ministériu Agrikultura e Peskas liuhosi Diresaun Jéral Floresta. Konkursu ne’e hetan mos observasaun hosi Reprezentante Komisaun Anti Korupsaun (KAK), Reprezentante Instituisaun Jeral Esatadu (IJE) no Reprezentante Auditoria Interna Ministériu Finansas.
Antes ne’e, iha loron 26 Novembru 2018 DNMGPE halao mos abertura loke kaixa leilaun konaba konkursu públiku no konkursu interno ba Bein Moveis estadu nian ba Faze XII. Konkursu publiku ba beins moveis mak hanesan Kareta 73 Uniddades, Motor 34 Unidades, Gerador 1 unidades. Inklui sasan no animal balun ba agrikula nian hanesan Bidon 204 Unidades, Traktor 55 Unidades, Karau 18 , Bibi 5 , Fahi 15 , Tanke be’e 10,000 litrus Unidade 2 no Polling Kareta 75 unidades.