Timor-Leste Ministry of Finance

Home » Anúnsiu » Ministériu Finansas no Primeiru Ministru Taur Matan Ruak hala’o Enkontru Regular. Imprime pájina

Ministériu Finansas no Primeiru Ministru Taur Matan Ruak hala’o Enkontru Regular.

Ministra Finansas en Ezersisiu no Vise Ministra Finansas Sara Lobo Brites, ohin iha Palasiu Governu 25 Fevereiru 2019 hala’o enkontru regular ho Primeiru Ministru Taur Matan Ruak hodi informa atividades semanal Ministériu Finansas nian.
Enkontru kada Segunda nu’udar enkontru regular hodi informa ba Primeiru Ministru kona-ba atividades no servisus hirak ne’ebé mak ezekuta ona hosi Ministériu Finansas.

“Enkontru regular ne’e hodi informa ba Primeiru Ministru kona-ba prezensa Ministériu Finansas iha Parlamentu Nasional semana kotuk, wainhira halo audensia ho Komisaun C kona-ba Konta Jerál Estadu 2017. Ida fali maka prezensa Ministériu Finansas nian iha Parlamentu Nasional relasiona ho karteira investimentu ba operasaun Fundu Petrolífera”.

Ministra Finansas en Ezersisiu no Vise Ministra Finansas Sara Lobo Brites iha loron 20 Fevereiru 2019 semana kotuk, akompaña hosi ekipa tékniku Ministeriu Finansas, hala’o tiha ona audensia públiku ho Komisaun C Parlamentu Nasional ne’ebe mak responsabiliza ba asuntu Finansas Públikas ho ninia enkuadramentu servisu hare liu ba Orsamentu Jeral Estadu hodi rona kona-ba relatóriu hosi Tribunal de Kontas relasiona ho Konta Jerál Estadu.

Haktuir hosi Dekretu-Lei N.º 14 /2018, 17 Agostu kona-ba Orgânika VIII Governu Konstitusional, Ministériu Finansas nu’udar departamentu governamental ne’ebé responsável hodi dezenha kona-ba ezekusaun, koordenasaun no avalia polítika, ne’ebé definida no aprovada hosi Konsellu Ministrus, iha áreas planeamentu no monitorizasaun anual hosi orsamentu Finansas Públikas.