• Ministériu Finansas Orgullu ho Papél Diresaun Jerál Estatistika

Home » Announcements » Ministériu Finansas Orgullu ho Papél Diresaun Jerál Estatistika Print Page

Ministériu Finansas Orgullu ho Papél Diresaun Jerál Estatistika

Loron 13 fulan-Outubru tinan 2020,Vise-Ministra Finansas, Sara Lobo Brites senti orgullu ho Diresaun Jerál Estatístika (DGE, sigla portugés) iha estrutura Ministériu Finansas nian, ne’ebé produs ona relatóriu importante ba ita nia Governu hodi trasa polítika preparasaun Orsamentu Jerál Estadu tinan 2021.

Governante ne’e hahutan tan katak desde tinan 2018 to’o agora Ministériu Finansas sente orgullu Diresaun Jerál Estatistika iha estrutura Ministériu Finansas nian ne’ebé maka Diresaun ne’e hatudu dezempeñu ne’ebé mak produs relatóriu importante sira ne’ebé mak merese ba iha ita nia polítika Governu nian hodi trasa polítika liuliu iha Orsamentu Jerál Estadu.

“Iha tinan 2021 sei iha planu atu realiza tan sensus uma-kain, tantu ekipa ne’ebé maka iha imi nia kna’ar importante tebes iha Ministériu Finansas no importante tebes ba ita nian rain liuliu kontribui ba dezenvolvimentu país”, informa Vise-Ministra Finansas, Sara Lobo Brites iha ámbitu abertura jogu desportivu ba komemorasaun loron mundiál estatístika, iha resintu DGE, Kaikoli.

Vise-Ministra Finansas kongratula mós ba dezempeñu ne’ebé ekipa Diresaun Jerál Estatistika halo durante ne’e to’o agora, iha sorin seluk tuir Diretór Jerál Estatístika, Elias Ferreira esplika iha loron 20 fulan-Outubru nu’udár loron mundiál estatística tanba ne’e atu kememora loron importante ne’e maka Diresaun Jerál Estatistika (DGE, sigla portugés) Ministériu Finansas realiza atividade desportiva. Jogu desportivu ne’ebé hala’o ho tipu jogu futsál no mós dada tali entre funsionáriu DGE no atividade ne’e hahú ohin no sei ramata iha loron 10 fulan-outubru.

Aleinde ne’e Diresaun Jerál Estatistika, sei realiza mós missa agradesimentu ne’ebé sei hala’o iha loron 20 fulan-Outubru no depois missa funsionáriu sira sei remata ho avaliasaun serbisu.

Iha kememorasaun ida ne’e hetan partisipasaun husi Vise-Ministra Finanças, Sara Lobo Brites, Diretór Jerál Estatístika, Elias Ferreira, Parseiru Dezenvolvimentu, Akadémiku, Sosiedade sivíl no ONG Nasionál.

REMATA