• Ministériu Finánsas Prepara Resposta ba Rekomendasaun-sira husi Câmara de Contas relasiona ho Konta Jerál Estadu 2019

Home » Anúncios » Ministériu Finánsas Prepara Resposta ba Rekomendasaun-sira husi Câmara de Contas relasiona ho Konta Jerál Estadu 2019 Imprimir a página

Ministériu Finánsas Prepara Resposta ba Rekomendasaun-sira husi Câmara de Contas relasiona ho Konta Jerál Estadu 2019

27 Janeiru, 2021.

Salaun Enkontru Lasama, Ministériu Finánsas, Dili, Timor-Leste – Vise-Minístra Finánsas, S.E. Dra. Sara Lobo Brites lidera enkontru ho Diretór Jerál sira, inclu mos ho Xefe Gabinete nain rua. Encontro hala’o iha Ministériu Finánsas (MF) hodi prepara resposta ba rekomendasaun-sira ne’ebé hato’o husi Câmara de Contas relasiona ho Konta Jerál Estadu tinan-2019.

Husi Resposta hirak ne’ebé ekipa ne’e prepara atu bele fasilita Minístru Finánsas, S.E. Rui Augusto Gomes no Vise-Minístra Finánsas, S.E. Dra. Sara Lobo Brites wainhira hala’o audiénsia ho Komisaun C Parlamentu Nasional (PN) ne’ebé mak tentativamente sei realiza iha loron-03, fulan-Febereiru, tinan-2021.

Ministériu Finánsas rejista rekomendasaun husi Câmara de Contas hamutuk rua-nulu-resin-haat (24) ne’ebé mak Governu presiza tau iha konsiderasaun. Tanbá-ne’e, Ministériu Finánsas nu’udár Ministériu xave halo esforsu tomak atu tulun Governu posível implementa rekomendasaun-sira husi Câmara de Contas, Parlamentu Nasionál, inklui mós Komisaun C Parlamentu Nasionál ne’ebé mak iha kompetênsia tomak hodi trata asunto Finánsas Públiku.

Partisipa iha enkontru ne’e, Xefe Gabinete Minístru Finánsas, Jo Monteiro, Xefe Gabinete Vise-Minístra Finánsas, Gina Leila de Oliveira Alves, Diretóra Jerál Tezouru, Regina de Jesus de Sousa, Inspetór Jerál Ministériu Finánsas, Ernesto da Conceição Silva, Diretór Jerál Planeamentu no Orsamentu, José Alexandre de Carvalho no Assesór Nasionál, Guido Claudino F. Maya.