• Ministériu Finansas Realiza Sesaun Traballu kona-ba Sistema Pagamentu

Home » Anúnsiu » Ministériu Finansas Realiza Sesaun Traballu kona-ba Sistema Pagamentu Imprime pájina

Ministériu Finansas Realiza Sesaun Traballu kona-ba Sistema Pagamentu

20190220_Ministériu Finansas Realiza Sesaun Traballu kona-ba Sistema Pagamentu 1

Diresaun Jeral Tezouru hosi Ministeriu Finansas ohin,20 Fevereiru 2019 realiza Sesaun Traballu kona-ba Evolusaun Sistema Pagamentu iha rai laran no Mekanismu pagamentu ba rai liur hamutuk ho Diretor Jerais, Diretor Nasionais Diresaun Administrasaun no Finansas inklui mos Diretur Rekursu Umanus hosi instituisaun estadu no linha ministérial hotu.

Orador ba diskusaun ne’e mai hosi Banku Central Timor Leste (BNCTL) hanesan Maria Angela de Sousa Soares, Manajer of Settlement and Confirmation Division no Andre da Costa nu’udar R-TiMOR Operation.

Prezensa orador hosi Banku Sentral Timor Leste hodi bele fahe hanoin balun kona-ba sistema pagamentu tuir regras no prosidementeus ne’ebe mak ezisti iha banku nu’udar regras formal ba entidades no instituisaun hotu wainhira halo prosesu pagamentu hosi kualker tipu atividades.

Diretora Nasional Pagamentu, Regina de Jesus konsidera katak prezensa Banku Central Timor Leste iha diskusaun refere hodi bele hato’o informasaun kona-ba tipu pagamentu, hodi nune’e bele redus preokupasoens ne’ebé mak durante ne’e akontese iha situasaun hanesan ne’e.

“Dala barak ita nia superior kestiona tanba saida mak pagamentu demora. Ho razaun ne’e mak ohin ita konvida Banku Sentral Timor Leste hodi fahe informasuan ba ita,” haklaken Regina.

Papel hosi Diresaun Jeral Tezouru mak Koordena no superviziona rejistru kona-ba reseitas orçamentais, transferênsias fundus atu selu despesas públikas orsamentu nian no movimentu operasoens Tezouru nian, no mos organizasaun kontas korrentes ne’ebé importante lori kontrola operasoens hirak ne’e.

Haktuir hosi Dekretu-Lei N.º 14 /2018, 17 Agostu kona-ba Orgânika VIII Governu Konstitusional, Ministériu Finansas nu’udar departamentu governamental ne’ebé responsável hodi dezenha kona-ba ezekusaun, koordenasaun no avalia polítika, ne’ebé definida no aprovada hosi Konsellu Ministrus, iha áreas planeamentu no monitorizasaun anual hosi orsamentu Finansas Públikas.