• Ministériu Finansas realiza Treinamentu ba Motorista Estadu nian.

Home » Anúnsiu » Ministériu Finansas realiza Treinamentu ba Motorista Estadu nian. Imprime pájina

Ministériu Finansas realiza Treinamentu ba Motorista Estadu nian.

20190219_Ministériu Finansas realiza Treinamentu ba Motorista Estadu nian.

Ministériu Finansas liu hosi Diresaun Nasional Monitorizasaun Jestaun Patrimoniu Estadu (DNMGPE) ohin 19 Fevereiru 2019 iha knar fatin Balide halo abertura treinamentu kona-ba Mekaniku baziku, Manutensaun Preventivas, Regras Utilizasaun viatura estadu no sansaun infrasaun. Treinamentu ne’e loke hosi Diretur Jeral Servisu Korporativu Ministeriu Finansas ,Martinho Lopes

Treinamentu ba motorista sira ne’e nu’udar prosesu hodi bele familiariza sistema operasaun ou aparellu ne’ebé iha viatura sira, hodi nune’e motorista sira bele hatene utiliza aparellu hirak ne’e ho diak, liu liu viatura estadu nian.
“ Wainhra Kondutores sira komprende sinais iha kareta laran, ita bele redus despezas hadia kareta ou viatura. Maibe kuandu la domina sinais kareta nian entaun, sasan ne’ebe folin dolar ida sai fali rihun ida,” haklaken Martinho Lopes iha sesaun abertura.

Dekretu Lei no 13/2009, 25 Fevereiru kona-ba organika Ministériu Finansas, artigu 14 define kona-ba funsaun Diresaun ne’e ho ninia responsabiliza mak fo formasaun lina ministerial no instituisaun estadu sira inklui fo asistensia téknika bazeia ba pedidu hosi instituisaun estadu sira wainhira hasoru difikuldade iha prosesu implementasaun.

Patrimonia estadu durante ne’e identifika ona ministeriu ne’ebe hetan gastus barak liu, iha nivel agregadu inklui hamutuk 56 ministériu no parte jestaun viatura maka’as liu iha kombustivel.
“Ami mos sei husu ba ministeriu sira atu deklara patrimonia estadu ida ne’ebe mak at atu nune’e ami halo rekolhamentu para tuir prosesu leilaun” deklara Diretora Nasional Monitorizasaun Jestaun Patrimonio Estadu Timotea P. Marques

Haktuir hosi Dekretu-Lei N.º 14 /2018, 17 Agostu kona-ba Orgânika VIII Governu Konstitusional, Ministériu Finansas nu’udar departamentu governamental ne’ebé responsável hodi dezenha kona-ba ezekusaun, koordenasaun no avalia polítika, ne’ebé definida no aprovada hosi Konsellu Ministrus, iha áreas planeamentu no monitorizasaun anual hosi orsamentu Finansas Públikas.