• Ministériu Finansas Rona Orientasaun Hosi Primeiru Ministru

Home » Anúnsiu » Ministériu Finansas Rona Orientasaun Hosi Primeiru Ministru Imprime pájina

Ministériu Finansas Rona Orientasaun Hosi Primeiru Ministru

Iha loron 21 Maiu 2019, Ministra Finansas En Ezersisiu no atual Vise Ministra Finansas Sara Lobo Brites, halao enkontru ho Primeiru Ministru Taur Matan Ruak iha Palasiu Governu hodi rona orientasaun hosi Xefe Governu VIII Governu Konstitusional kona-ba prioridades ne’ebé mak atu implementa iha 2020.

“Primeiru Ministru husu atu prepara informasaun kona-ba despeza balun ne’ebe governu hare’e desnesesariu no presiza atu ko’a.” Informa Vise Ministra Finansas Sara Lobo Brites.

Ministériu Finansas presiza dadus hanesan despezas viazens ba rai liur, despezas aluga kareta nomós mina inklui despezas sira ne’ebé maka gasta maibé bele sukat no bele halo poupansa hodi tau fali ba verba seluk.


“Ida ne’e planu governu nian para atu iha efisensia liu iha alokasaun orsamentu no sentidu tau liu ba área sira ne’ebé bele benefisia liu ba moris diak ema hotu-hotu nian” hateten Ministra Finansas En Ezersisiu Sara Lobo Brites depois remata enkontru ho Primeiru Ministru Taur Matan Ruak.

Hodi bele konkretiza planu hirak ne’e, semana oin mai sei realiza enkontru informal ho ministériu sira hodi defini áreas prioridades hirak ne’e.