• Ministériu Finansas sei halo lansamentu Sistema ASYCUDA World

Home » Anúnsiu » Ministériu Finansas sei halo lansamentu Sistema ASYCUDA World Imprime pájina

Ministériu Finansas sei halo lansamentu Sistema ASYCUDA World

20190311_MF sei halo lansamentu Sistema ASYCUDA World

Ministériu Finansas liu hosi Diresaun Autoridade Aduaneira sei halo Lansamentu ba Sistema Informátika Automated System for Customs Data (ASYCUDA) World iha Aero Portu Suai, Quarta-Feira, 13 de Marsu 2019 iha Munisípiu Covalima semana ne’e.

Objetivu hosi Implementasaun ne’e nu’udar plataforma ba implementasaun janela únika elektronika Timor Leste nian no aprovasaun ba Sistema atu ajuda Autoridade Aduaneira hodi fasilita komérsiu.

Sistema ASYCUDA World bele ajuda Aduaneira ho broker (Despaixantes) atu bele halao servisu ho lalais no responsabilidade liu hosi janela únika ASYCUDA World.

Haktuir hosi Dekretu-Lei N.º 14 /2018, 17 Agostu kona-ba Orgânika VIII Governu Konstitusional, Ministériu Finansas nu’udar departamentu governamental ne’ebé responsável hodi dezenha kona-ba ezekusaun, koordenasaun no avalia polítika, ne’ebé definida no aprovada hosi Konsellu Ministrus, iha áreas planeamentu no monitorizasaun anual hosi orsamentu Finansas Públikas.