• Ministériu Planu no Finansas relata utilizasaun Dotasaun Orsamentais Temporarias Fulan Janeiru.

Home » Announcements » Ministériu Planu no Finansas relata utilizasaun Dotasaun Orsamentais Temporarias Fulan Janeiru. Print Page

Ministériu Planu no Finansas relata utilizasaun Dotasaun Orsamentais Temporarias Fulan Janeiru.

Ezekusaun DOT Janeiru

Hodi asegura regras kona-ba aplikasaun rejime duodesimal ho rigor no transparensia, Ministériu Planu no Finansas, liuhosi Vice-Ministra Planu no Finansas, Sara Lobo Brites, realiza enkontru hamutuk ho responsaveis Servisus Administrativus Finanseira husi instituisaun estadu hotu kona-ba ezekusaun dotasaun orsamentais temporarias fulan Janeiru 2018 iha Salaun Auditoria Ministériu Planu no Finansas, Aitarak Laran loron 5 Fevereiru 2018.

Bazeia ba Lei No. 13/2009 nomós atu bele relata hikas rezultadu Dotasaun Orsamentais Temporarias Janeiru no planu ba ezekusaun fulan Fevereiru nian, Ministériu Planu no Finansas realiza sorumutu ba dala rua iha âmbito DOT 2018.

Regras no prosidementus aplikasaun rejjime duadesimal, instituisaun estadu hotu presija prepara Dotasoens Orsamentais Temporarias (DOT) bazeia ba prinsipius 2 mak hanesan; dotasaun orsamental kobre deit despeza ida durante periodu la liu fulan ida no dotasaun orsamental labele liu um doze avos (1/12) husi orsamental ne’ebé defini tiha ona tuir lei orsamental Jerál estadu No 13/2016. Tamba hahu’u husi 1 Janeiru 2018, rejime duodesimal tama ona EM VIGOR, haktuir husi artigu 31 husi Lei Orsamentu no Jestaun Finanseira No.13/2009.

Iha sesaun intervista hamutuk ho mídia sira, Vice-Ministra Planu no Finansas, Sara Lobo Brites hateten katak ezekusaun Dotasaun Orsamental Temporaria (DOT) fulan Janeiru 2018 atinji pursentu 66 husi total orsamentu hamutuk 101.168.285 milioens. Kompozisaun kona-ba ezekusaun DOT fulan Janeiru 2018 mak hanesan saláriu no vensimentu pursentu 83.5, bens no servisu pursentu 44.9 kapital dezenvolvimentu pursentu 64.3, transferensia públika pursentu 85.3 no despesas contigencia pursentu 96.6.

Prosidementus jerál kona-ba aplikasaun regras utilizasaun DOT ba Liña Ministerial sira tenke haruka mai iha Diresaun Tezouru husi Ministériu Planu no Finansas ne’ebé iha asinatura ofísial ba formulariu Komprimisiu Pagamentu, Ordens de Compra, pedidu no Ordem Pagamentu ne’ebé akompaña mós ho respetiva delegasaun asinatura tuir instrusaun númeru 4/DG/MdF/I/2014. Ba nivel munisípiu no Orgaun Autónomu sira tenke haruka mós mai iha Diresaun Jerál Tezouru, Ministériu Planu no Finansas ho asinatura husi ofísial autorizada ba operasaun sub konta iha Banco Central Timor Leste (BCTL).