- Ministra Finansas Informa papel Ministériu Finansas nian kona-ba dezastre naturais ba Primeiru Ministru Taur Matan Ruak.
Home » Anúnsiu » Ministra Finansas Informa papel Ministériu Finansas nian kona-ba dezastre naturais ba Primeiru Ministru Taur Matan Ruak. Imprime pájina
Ministra Finansas Informa papel Ministériu Finansas nian kona-ba dezastre naturais ba Primeiru Ministru Taur Matan Ruak.
Ministra Interina no Vise-Ministra Finansas Sara Lobo Brites, ohin 14 Janeiru 2019 iha Palasiu Governu hala’o reuniaun ho Primeiru Ministru Taur Matan Ruak antes tama ba sorumutu Konsellu Ministru. Iha reuniaun ne’e Ministra Finansas informa ba Primieru Ministru kona-ba papel Ministériu Finansas nian ba dezastre naturais ne’ebé akontese iha Baucau, Viqueque no Lospalos.
Hafoin halao reuniaun ho Primeiru Ministru, Ministra Finansas kuntinua partisipa iha sorumutu Konsellu Ministru extraordinária ho ninia ajenda koalia kona-ba Konsellu Inter-ministerial.
Konsellu Inter-ministerial ho ninia responsabilidade mak halibur Prezidente Autoridade Munisipiu sira hodi bele hetan informasaun kona-ba dadus hosi dezastre naturais ne’ebé foin akontese hodi estragus populasaun sira nia uma, lakon ai-han inklui inundasaun. Konsellu Inter-Ministerial sei assumi papel kona-ba oinsa bele fó apoiu ou atuasaun ba akontesimentu hirak ne’e.