• Ministro das Finanças Lidera Vídiu Konferénsia ho Xefe Misaun Artigu IV, FMI

Home » Anúnsiu » Ministro das Finanças Lidera Vídiu Konferénsia ho Xefe Misaun Artigu IV, FMI Imprime pájina

Ministro das Finanças Lidera Vídiu Konferénsia ho Xefe Misaun Artigu IV, FMI

Sexta-feira, 8 Janeiru 2021.

S.E. Ministru das Finanças, Dr. Rui Augusto Gomes akompaña husi S.E. Vice-Ministra Finanças, Dra. Sara Lobo Brites, lidera sesaun introdutória vídiu konferénsia ho Xefe Misaun Artigu IV ho ekipa, Fundo Monetáriu Internasionál (FMI).

Vídiu konferénsia ne’e hanesan sesaun introdutória entre S.E. Ministru Gomes no Xefe Misaun Artigu IV FMI, Sr. Pablo Lopez-Murphy, hodi diskute kona-ba vizita ekipa Misaun Artigu IV mai Timor-Leste ne’ebé tentativamente sei realiza iha fulan-Agustu, tinan-2021. Enkontru ne’e mós koalia kona-ba Timor-Leste ninia prioridade polítika fiskál ba tinan-2021 no obstaklu estruturál prinsipál balun iha tempu badak no médiu.

Iha enkontru ne’e Ministru Gomes informa “inserteza polítika no ekonómika, inundasaun no pandemia COVID-19 adversamente afeita ona Timor-Leste ninia atividade ekonómika durante tinan tolu nia laran. Obstaklu hirak ne’e kauza ona kontrasaun signifikativa ne’ebé limita Governu nia abilidade atu implementa ninia planu programa no atividade-sira.” Ministru mós informa katak, maske ho obstaklu hirak ne’e, país ne’e iha rekursu valiozu, populasaun jovem no kresente. Ida-ne’e hanesan tempu di’ak ida atu rekupera ekonomia liuhusi estratéjia fiskál ida ne’ebé di’ak ne’ebé foku ba rezultadu, transparensia, rigor no disiplina iha ezekusaun orsamentu atu asegura sustentabilidade fiskál ba tempu naruk no proteje rikusoin iha Fundo Petróleu.

Sr. Pablo Lopez-Murphy fó komentáriu katak, Ekipa Misaun Artigu IV komprometidu atu serbisu hamutuk ho Ministériu das Finanças atu rezolve kualker obstaklu fiskál no sei apoiu Ministériu hodi fornese asisténsia tékniku liuhusi Sentru Dezenvolvimentu Kapasidade, FMI.

Vídiu konferénsia ne’e hetan mós partisipasaun husi Xefe Gabinete do Ministru, ekipa husi Direção Naçional Política Economia no mos dirijente relevante balun husi Ministério das Finanças. Husi Ekipa Misaun Artigu IV, Sra. Purva Khera no Mr. Masakazu Kamamura.

Timor-Leste ninia prioridade xave ba polítika fiskál tinan-2021 foku ba hadi’ak kualidade no asesu ba edukasaun no Sistema kuidadus saúde nasionál, rekupera ekonomia liuhusi fasilita investimentu setór privadu, insentiviza the quality and access to education and national healthcare system, revitalize the economy through facilitate private sector investment, insentiva investimentu liuliu empreza ki’ik no médiu ne’ebé ajuda enkoraja formasaun empreza, kriasaun empregu no oprtunidade empregu ba Timoroan sira hotu.

Iha fulan-Janeiru tinan-2019, Ekipa ida husi FMI vizita Timor-Leste husi 14 to 25 Janeiru hodi hala’o Diskusaun Konsultasaun Artigu IV, 2019. Diskusaun hirak ne’e kobre dezenvolvimentu atuál no polítika ekonomia nomós previzaun ekonómiku iha tempu médiu. Misaun Artigu IV labele halo vizita iha tinan-2020 tanbá pandemia Covid-19. Tuir-mai ne’e mak konkluzaun husi Misaun Konsultasaun Staff Artigu IV FMI, 25 Janeiru 2019:
• Presiza Estratéjia fiskál ida atu asegura sustentabilidade fiskál no proteje rikusoin iha Fundo Petróleu. Prioritiza kontinuasaun investimentu iha infraestrutura, edukasaun no saúde.
• Aselera reforma estruturál mak importante atu dudu diversifikasaun ekonómiku no kriasaun empregu.