• Ministru Planu no Finansas, Rui A. Gomes simu relatoriu servisu husi Ministra Finansas Sesante Santina JRF Viegas Cardoso.

Home » Anúnsiu » Ministru Planu no Finansas, Rui A. Gomes simu relatoriu servisu husi Ministra Finansas Sesante Santina JRF Viegas Cardoso. Imprime pájina

Ministru Planu no Finansas, Rui A. Gomes simu relatoriu servisu husi Ministra Finansas Sesante Santina JRF Viegas Cardoso.

Ministra Finansas Sesante, Santina JRF Viegas Cardoso intrega relatoriu servisu ne’ebé durante ne’e halao iha ambitu VI Governu Konstitusional nian ba Ministru Planu no Finansas, VII Governu Konstitusional, Rui A. Gomes. Seremonia intrega relatoriu ne’e hala’o iha salaun Auditoriu Ministeriu Finansas, Aitarak laran, 18 Setembru 2017.

Iha okaziaun ne’e, Ministra Sesante relata mos servisu balun nebe mak pendente hela hanesan leis Reforma Fiskál, funsionamentu servisu funsiunárius nian inklui mos orsamentu hodi asegura servisu lor-loron.

“Ida ne’e hanesan tempu ikus ba hau hanesan Ministra no Vice-Ministru Finansas, Helder Lopes no husu obrigadu barak ba ita bo’ot sira ne’ebé sempre servisu diak no apoiu hau durante tinan 2 ho balun. Hau senti orgullu tebes ho prejensa Ministru foun bele hadia diak liutan servisu Ministériu Planu no Finansas nian ba Povu Timor-Leste” hateten Santina JRF Viegas Cardoso iha ninia diskursu ba dala ikus nudar Ministra Finansas.

Iha okaziaun durante sorumutu nebe hetan prezensa husi Diretor Jeral husi linha setorais hotu inklui Diretor Nasional no koordenador sira nebe tutela iha Ministeriu Planu no Finansas, Unidade Rekursu Humanus aprezenta mos forsa trabalhu nebe ezisti iha Ministeriu durante ne’e ba Ministru Planu no Finansas, Rui. A. Gomes.

Ministru Planu no Finansas, VII Governu Konstituisional, Rui A. Gomes iha ninia palavras introdusaun enkoraza funsionarius hotu atu servisu nu’udar ekipa hodi halao servisu ho profesionál

“Hanesan independente hau simu dezafius ida ne’e para ita hamutuk bele halo mudansa. Mudansa ida ne’e dala barak halo ema kontenti no ema balun la kontenti mais defaktu ita nia alvu maka povu no Estadu Timor-Leste” Hateten Rui A.Gomes iha ninia lia menon dahuluk ba funsionarius hotu husi Ministeriu Planu no Finansas.