• Ministériu Finansas Kampiaun ba Kompetisaun Nasional Voleibol Indoor 2015

Home » Anúnsiu » Ministériu Finansas Kampiaun ba Kompetisaun Nasional Voleibol Indoor 2015 Imprime pájina

Ministériu Finansas Kampiaun ba Kompetisaun Nasional Voleibol Indoor 2015

Ekipa voleibol feto Ministériu Finansas kontente tebes-tebes hafoin sai nuda’ar kampiaun ba Kompetisaun Nasional Voleibol Indoor 2015. Kompetisaun ida ne’e realiza hanesan parte ida hodi komemora aniversáriu loron FALINTIL, forsa libertasaun Timor-Leste nian.
Jogu final ne’ebé halao iha loron 2 Agostu 2015 iha GMT ne’e, ekipa feto MdF “fiar-an katak sei manan”, tenik Nelia Alin antes jogu refere hahú. Fiar-an ida ne’e realiza duni wainhira ekipa MdF mana Klubu Feto UNTL ho valor 3-1. Alein de ne’e mos, ekipa feto MdF sai hanesan “melhor equipa” iha jogu ida ne’e. Premiu rua ne’ebé hetan “sei hamorin MdF nia naran iha Timor laran tomak”, hateten Alin, hafoin simu troféu husi S.E. Sr. Leovegildo Hornay, Sekretáriu Estadu Joventude no Desportu.
Jogu final ida ne’e atende mos husi S.E. Sr. Helder Lopes, Vise Ministru Finansas, S.E. Sr. Leovegildo Hornay, Sekretáriu Estadu Juventude no Desportu, no Sr. Januario Gama, Direitor Jeral Finansas Estadu no sira seluk tan. Troféu ne’ebé hetan sei aumenta tan ba troféu barak sira ne’ebé MdF hetan iha tinan hirak liu ba ne’e.