• Ekipa Ministériu Finansa halo sosializasaun ba komunidade Same, Ainaro no Aileu

Home » Anúnsiu » Ekipa Ministériu Finansa halo sosializasaun ba komunidade Same, Ainaro no Aileu Imprime pájina

Ekipa Ministériu Finansa halo sosializasaun ba komunidade Same, Ainaro no Aileu

Ekipa Ministériu Finansa nian ida, ne’ebé lidera husi Koordenadór Unidade Jestaun Parseiru Desenvolvimentu, Sr. Cancio de Oliveira, halao programa sosializasaun ba komunidade sira iha Same, Ainaro no Aileu.
Programa ida ne’e hahú husi loron 14 to’o loron 18 Setembru 2015. Hola parte iha ekipa ida ne’e maka reprezentante sira husi Unidade Jestaun Parseiru Dezenvolvimentu, g7+, Unidade Administrasaun Fundu Petrolíferu, Diresaun Polítika Ekonómika, Estatístika, Impostu no Alfândega.
Tópiku prinsipál sira ne’ebé aprezenta mak hanesan jestaun ba doadór, akordu foun, jestaun Fundu Petrolíferu, dezenvolvimentu ekonómiku, sensus, reseitas doméstikas, regra no regulamentu aduaneira.
Programa sosializasaun hirak ne’e atende husi autoriadde lokal, estudante, funsiunáriu públiku no populasaun sira.
Partisipante sira apresia tebes ho inisiativa diak Ministériu Finansa nian ne’e tamba bele “informa ba sira aktualizasaun atividade governu nian”.