Timor-Leste Ministry of Finance

Home » Anúnsiu » Ministériu Finansas Servisu Hamutuk ho Ajénsias Autónomu hodi Hadi’ak Efisiénsia, Efetividade no Transparánsia iha Kolesaun no Administrasaun Taxas no Enkargus Imprime pájina

Ministériu Finansas Servisu Hamutuk ho Ajénsias Autónomu hodi Hadi’ak Efisiénsia, Efetividade no Transparánsia iha Kolesaun no Administrasaun Taxas no Enkargus

Dili, 9 Outubru, 2018 – Ministériu Finansas liu husi Komisaun Reforma Fiskál hala’o enkontrus ho ofisiais senior husi ministérius no ajénsias autónomu ne’ebé koleta taxas no enkargus, hodi fahe informasaun kona-ba kestaun no dezafiu sira ne’ebé iha relasaun ho jestaun taxas no enkargus no diskute maneira sira ne’ebé bele hadi’ak sistema iha futuru, inklui aproxima ho prátika di’ak husi esperiénsia internasionál.

Taxas no enkargus ne’ebé koleta husi ministérius no ajénsias autónomu fornese maioria reseitas doméstika naun-taxa, maizumenus 30% husi totál reseita doméstika naun-petróliferu. Haree ba sira nia importánsia, Governu hahú ona projetu ida atu hadi’ak kuadru jestaun taxas no enkargus nian, inklui dezenvolve kuadru polítika ida hodi orienta desizaun sira ne’ebé governu halo kona-ba servisu públiku ida ne’ebé mak tenke sujeitu ba taxas no enkargus no oinsá determina nivel ba taxas no enkargus ne’ebé espesífiku.

Komisaun Reforma Fikál mós dezenvolve kuadru legál ida hodi apoiu desizaun ne’ebé foti no kuadru jestaun no dezenvolve sistema jestaun hodi hadi’ak efisiénsia, efetividade no transparánsia iha kolesaun no administrasaun taxas no enkargus.

Atu aselera servisu ne’e Ministériu Finansas liu husi Komisaun Reforma Fiskál hetan apoiu tékniku husi Asian Development Bank no GfD.

###

Atu hetan tan informasaun, favór kontaktu: Cecilia Tilman Gonçalves, Komisaun Reforma Fiskál,
iha +670 7727 6436 / 3310 423, ctgoncalves@mof.gov.tl