• MPF Aprezenta proposta Rezolusaun Kuota RDTL

Home » Anúncios » MPF Aprezenta proposta Rezolusaun Kuota RDTL Imprimir a página

MPF Aprezenta proposta Rezolusaun Kuota RDTL

20180314_MPF APREZENTA PROPOSTA REZOLUSAUN KUOTA RDTL

Ministru Planu no Finansas, Rui A. Gomes aprezenta proposta rezolusaun Governu ba subskrisaun adisionál kuota RDTL nian kona-ba adezaun Timor-Leste husi Konsellu Administrasaun Banku Internasionál Rekonstrusaun no Dezenvolvimentu durante sesaun sorumutu Konsellu Ministru ne’ebé mak realiza iha Palasiu do Governu, Kuarta 14 Marsu 2018.

Tuir Sekretáriu Estadu Konsellu Ministru no Komunikasaun Sosiál, Matias Boavida hateten, reuniaun Konsellu Ministru ba loron ohin, Governu reuni hodi koalia no aprova proposta rezolusaun Governu nian ne’ebe mai hosi Ministériu Planu no Finansas kona-ba subskrisaun adisionál kuota RDTL ba adezaun Timor-Leste husi Kosellu Administrasaun Banku Intenasionál Rekonstrusaun no Dezenvolvimentu.

“Kuota ida ne’ebé maka ita halo tanba ita mós hola parte iha grupu ne’e. Ne’e duni ita tenki selu kuota ne’e ba konsellu administrasaun banku internasionál ba rekonstrusaun no dezenvolvimentu hosi grupu banku mundial nian” tenik Matias Boavida.

Reuniaun Konsellu Ministru ne’e, aprova mos alterasaun ba proposta rezolusaun governu reforsa koordenasaun rekursus no prosesu adezaun ba Association of Southeast Asian Nations (ASEAN), ne’ebé maka aprezenta hosi Ministru Negósiu Estranjeirus no Kooperasaun Aurélio Guterres. Ikus mai Konsellu Ministru designa Ministru Estadu Konseleiru ba Seguransa Nasionál José Manuel Ramos Horta, nu’udár altu representante Governu Timor-Leste ba prosesu negosiasaun rejional parte defeza liu-liu ba ASEAN nian.