• MPF Lansa Rezultadu Peskiza Saúde Demográfika Timor-Leste 2016

Home » Announcements » MPF Lansa Rezultadu Peskiza Saúde Demográfika Timor-Leste 2016 Print Page

MPF Lansa Rezultadu Peskiza Saúde Demográfika Timor-Leste 2016

20180413_Notisia_MPF Lansa Relatoriu Peskiza Demografia SAUDE 2016

Ministériu Planu Finansas hamutuk ho Ministériu Saúde lansa rezultadu “Peskiza Saúde Demográfika (Demographic Health Survey-DHS)” Timor-Leste 2016 iha okaziaun Selebrasaun Loron Saúde Mundial ba dala hitu nulu iha Centru Convensaun Dili (CCD), loron 10 Abril 2018 ho tema tinan 2018 nian “ Kobertura Saúde Universal ba ema hotu iha ne’ebé deit (Universal health Coverege Everyone, Everywere)”.

Lansamentu Rezultadu Peskiza hala’o hosi Ministru Estadu Ministru Saúde, Dr. Rui Maria Araujo, Vice-Ministra Planu Finansas, Sara lobo Brites no Vice-Ministru Saúde, Luis Lobato.

Tuir Vice-Ministra, Sara Brites hateten katak Peskiza Saúde Demográfika hanesan programa govenu nian ne’ebé implementa periodikamente hosi Dirasaun Jerál Estatístika ho kolaborasaun diak ho pesoal tékniku Ministériu Saúde nomós Parseiru Dezenvolvimentu sira.

Objetivu hosi peskiza atu ajuda kada nasaun bele akompaña progresu uma-kain sira nian, halo monitorizasaun ba programa sira Governu nian no foti desizaun oinsá atu hadi’ak ema nia moris.

Informasaun sira ne’ ebé peskiza ne’e rekolla, inklui fertilidade, saúde reprodutivu, saúde inan no labarik sira nian, imunizasaun no sobrevivensia, HIV/SIDA. Iha peskiza ne’e mós rekolla dadus kona-ba mortalidade inan sira, mortalidade labarik sira, malária, nutrisaun inan no labarik sira nian (Diskursu Vice-Ministra Planu no Finansas)

Lansamentu rezultadu peskiza iha mós apresentasaun hosi Diretór Jerál Estatístika, Elias Fefreira ne’ebé halo apresentasaun ho power point ho detalhadu hodi informa ba konvidadus sira hotu dadus importante sira hosi rezultadu peskiza refere. Alem-de distribuisaun relatóriu, distribui mós USB ne’ebé kontein relatóriu kompletu Peskiza Saúde Demográfika.

Eventu ne’ e organiza liuhosi kolaborasaun entre Ministériu Planu Finansas, Ministériu Saúde, Organizasaun Saúde Mundial (WHO) no partisipa hosi Gestores Ministériu Saúde, MPF, Membrus Korpus Diplomátikus, Reprezentante Ajensias Doadores no profissionais saúde sira, (medikus, infermeirus, parteiras).