• MPF TRANSFERE PATRIMONIU ESTADU HAMUTUK 138 ITEM BA ADMINISTRASAUN MUNISÍPIU COVALIMA

Home » Anúnsiu » MPF TRANSFERE PATRIMONIU ESTADU HAMUTUK 138 ITEM BA ADMINISTRASAUN MUNISÍPIU COVALIMA Imprime pájina

MPF TRANSFERE PATRIMONIU ESTADU HAMUTUK 138 ITEM BA ADMINISTRASAUN MUNISÍPIU COVALIMA

20180626_MPF Transfere Patrimonio Estadu Hamutuk 138 Item Ba Administrasaun Covalima

Ministériu Planu no Finansas (MPF) liuhusi Diresaun Nasionál Monitorizasaun no Jestaun Patrimóniu Estadu (DNMJPE) asina dokumentus transferénsia Patrimoniu Estadu ba Administrasaun munisípiu Covalima ho total hamutuk 138 item. Iha transferénsia refere asisti direitamente husi reprezentante Ministru no Vice-Ministra MPF nian, Januario da Gama, reprezentante administrasaun munisípiu Covalima, Jacinto do Santos, Diretora Nasionál DNMJPE, Timotia P. Marques, funsionariu administrasuan munisípiu Covalima no membru veteranus sira. Transferénsia ne’e rasik hala’o iha loron 14 de Juñu 2018 iha salaun administrasaun munisípiu Covalima.

Patrimoniu estadu ne’ebé transfere ba Administrasaun Covalima mai husi Doasaun United Nations Mission of Support in East Timor (UNMISET) ne’ebé durante ne’e rai iha regional Covalima mak hanesan: AC Hyundai hamutuk 40, AC hamutuk 3, AC Climate 1, Qidi AC hamutuk 10, mákina kompresor hamutuk 2, DAP hamutuk 3, mákina Supa Foer ida, mákina cas AKI 1, doma gerobak besi 1, mákina tabung Oksigen 1, box freezer 1, gerinda bench 1, makaku /doma hamutuk 2, mákina bomba bé 1, mákina tunu na’an 1, mákina bor Hitachi 1, mákina grinder 2, mákina kua ai Makita 1, sensor kua ai hamutuk 3, mákina fase kareta hamutuk 2, bor tembok Ozitu 1, katrol bengkel ou dongkar press 1, Tanqui joven 1, Grand Tenki 1, makina pengukur kilometer 1, lampu sorot 230 volt 1, lampu sorot 1, compressor anin 1, mákina sobu roda 1, wheel balancer 1, Refrigerator-Gas Evac Charging 1, vehicle lift 4000kg 1, generator 5 KVA no 125 KVA 2, welding equipment 1, Compactor 1, sea container refrigerator 20 no sea container hamutuk 3, fuel tank hamutuk 2, ablution unit small 2 no large 1, filtru anin, bilyard, alas plafon perak, lampu sorot 400 watt, masker, mesin bor ai, save T, kawat las, xavi roda, alkati bo’ot, xavi magnet kaki 3, tabung gas, pipa gas, save tabung gas, save bor, fiu elektrisidade hamutuk 2, saringan anin, lampu Philips, dinamonstar, save kareta, tabung oli foer, fiu telefone, mangeira, basia keramik, tabung be haris fatin, plastik aspal, alat supa bé, rede metan, sanoa bomba oli, stand makako no seluk tan.

Iha intervensaun ba transferénsia Patrimoniu Estado, Diretor Jéral Finansas Estadu Januario da Gama hatete, em nome de Ministru no Vice-Ministra katak, transferénsia patrimoniu estadu iha regional Covalima mai husi doasaun UNMISET, tan ne’e Ministériu Planu no Finansas sei la lori fila ba Nasionál maibé oinsa atu reforsa servisu no jestaun iha administrasaun Covalima ne’e.

“Seremonia transferénsia patrimoniu estadu ne’e hanesan kontinuasaun akordu interorganika kona-ba desentralizasaun ne’ebe realiza ona iha 2017 entaun fo durasaun ba patrimoniu estadu atu labele sentraliza fali bein moveis iha nivel nasionál tanba ne’e mak polítika Ministeriu Planu no Finansas inisia halo koordenasaun administrasaun munisípiu Covalima oinsa ita bele entrega beins moveis estadu ba iha adminitrasuan hodi reforsa ita nia jestaun iha munisípiu Covalima ne’e,” haktuir Diretór Jerál ne’e.

Nune’e mós Diretora DNMJPE Timotia P. Marques hatutan, estabelese patrimoniu estadu regiaun Covalima nian iha periode tranzisaun tempu UNTAET ano 2001 ne’ebé nia atribuisaun servisu atu halo kontrolu no supervisaun ba patrimoniu estadu tomak iha regiaun ida ne’e, wainhira iha mudansa strutura polítika desentralizasaun komesa inisiu ona etapa por etapa, regiaun sira ne’e halo transferensia fo poder ba munisípiu hodi kontrola sasan estadu nian.

“Alem de halo transferénsia patrimoniu estadu mós halo reverifikasaun no edentifikasaun ba sasan doasaun nian mak durante ne’e rai hela no sai responsabilidade ba administrasaun munisípiu Covalima rasik hodi halo kontrolu maibé sasan espesífiku mak hanesan, wokshop Movel (kompletu ho instalasaun Gerador perkins new & ekipamentus Oficina nian), Hoist 3000 kg/ makaku foti mákina, stand makaku no makaku tutur bele utiliza no ami sei halo transferénsia ba iha nasionál atu bele atende nesecidade servisu estadu nian tomak,” deklara Diretora DNMJPE ne’e.

Iha sorin seluk reprezentante Administrador Munisípiu Covalima Jacinto do Santos apresia tebes ba Ministériu Planu no Finansas tanba nia rasik sai sasin ba transferénsia patrimoniu estadu ne’ebé atu utiliza ba apoio logístiku administrasaun munisípiu Covalima nian.

“Ha’u kontenti tanba ohin loron realiza duni trasnferénsia ekipamentu ne’ebé durante ne’e Ministériu Planu no Finansas uza liuhusi Diresaun DNMJPE inisiu husi 2001 to’o agora, tanba tuir baze legal dekretu lei nú. 3/2016 akordu interorganiku iha 01 de Setembru 2016 ne’ebé mak ministériu hotu –hotu asina, tanba ne’e mak ohin loron akontese transfer’ensia patrimoniu estadu inklui mós funsionariu,” haktuir Reprezentante Administrasaun munisípiu Covalima ne’e.