- Mudansa Persentajen Indise Presu Konsumedor Fulan Abril 2019
Home » Anúnsiu » Mudansa Persentajen Indise Presu Konsumedor Fulan Abril 2019 Imprime pájina
Mudansa Persentajen Indise Presu Konsumedor Fulan Abril 2019
Mudansa persentajen IPK Grupo Hotu mensal laiha mudansa (0.0%) ba fulan Abril 2019, kompara ba fulan Março 2019 sa’e (+0.1%). Mudansa presu grupo hotu (0.0%) tamba hetan kontribuisaun ne’ebe fo ballansu Negativu husi grupo Hahan no Bebidas La’os Alkoholika (0.1%) no Ekipamentu no Manutensaun Mobilariu Uma Laran (-0.2%) no ballansu Positivu husi grupo Alkohol no Tabako (+0.3%) no Transporte (+0.2%). Grupo Hahan no Bebidas La’os Alkoholika tun hetan impaktu maioria husi sub-grupo Fos (-0.8%), no Susuben, Keju no Manutolun (-0.5%). Vejetais (+0.4%), Mina no Bokur (+0.3%), no Frutas (+0.6%) sai hanesan mudansa kontrariu ba grupo Hahan no Bebidas laos Alkoholika. Presu Fos tun iha fulan ida ne’e tamba afeta husi presu Fos Importasaun ne’ebe hatudu iha presu Fos Mundial tun 14% iha trimestral primeiro tinan 2019. Iha parte seluk, presu mina internasional sa’e 18% iha trimestral primeiro tinan 2019 hodi afeta presu mina transporte iha rai laran.
Mudansa persentajen IPK anual sa’e (+0.7%) kompara fulan Abril 2019 – Abril 2018, hetan kontribuisaun husi grupo Hahan no Bebidas laos Alkoholika (+0.6%), Alkohol no Tabaku (+2.5%), Edukasaun (+9.0%), Transporte (+1.5%), Uma (+1.2%), no Hatais no Sepatu (+0.2%). Ekipamentu no Manutensaun Mobilario Uma Laran (-0.8%), Komunikasaun (-0.2%) no Rekreasaun no Kultura (-0.2%) sai hanesan mudansa kontrariu ba anual Abril 2019.
Inflasaun Tradable (0.0%) laiha mudansa no Non-Tradeable (-0.6%) tun iha mensal kompara fulan Abril 2019 – Março 2019
Inflasaun Tradable (-0.4%) tun no Non-Tradeable (+0.1%) sa’e iha anual kompara fulan Abril 2019 – Abril 2018