• Mudansa Persentajen Índise Presu Konsumedór Fulan Agosto, 2021

Home » Anúnsiu » Mudansa Persentajen Índise Presu Konsumedór Fulan Agosto, 2021 Imprime pájina

Mudansa Persentajen Índise Presu Konsumedór Fulan Agosto, 2021

Data públika: 22 Setembru 2021

Mudansa persentajen Índise Presu Konsumedór (IPK) Grupu Hotu mensál sa’e (+0.2%) ba fulan-agosto, 2021, kompara ba fulan-jullu, 2021 sa’e mós (+0.1%). Mudansa presu grupu hotu (+0.2%) tanbá hetan kontribuisaun husi grupu Hahán no Bebidas la’ós Alkólika (+0.1%), Alkohol no Tabako (+0.9%), Transporte (+1.0%) no Hatais no Sepatu (+0.1%). Hahán no Bebidas La’ós Alkólika sa’e tanbá hetan impaktu maioria husi sub-grupu Foos (+0.3%), Mina no Bokur (+0.2%), Ikan no Hahan Tasi (+0.4%), no Bebidas, Jús Ai-fuan no Jús Modo-tahan (+0.1%). Susubeen, Keiju no Manu-tolun (-0.1%), Modo Tahan (-0.1%) no Ai-fuan (-0.7%) sai hanesan mudansa kontrariu ba inflasaun grupu Hahán no Bebidas La’ós Alkólika.

Mudansa persentajen IPK anuál sa’e (+3.9%) kompara entre fulan-agosto, tinan-2021 ho fulan-agosto, tinan-2020, hetan kontribuisaun husi grupo Hahán no Bebidas la’ós Alkólika (+6.0%), Alkohol no Tabaku (+7.5%), Transporte (+4.2%) no Hatais no Sepatu (+0.4%).  Ekipamentu no Manutensaun Mobiliáriu Uma-Laran (-1.0%),  Uma (-0.2%), Komunikasaun (-0.1%) no Rekreasaun no Kultura (-0.3%) sai hanesan mudansa kontrariu ba anuál agosto 2021.

Inflasaun Tradeable sa’e (+0.2%) no Non-Tradeable laiha mudansa (0.0%) iha mensál kompara entre fulan-agosto, tinan-2021 ho fulan-jullu, tinan-2021.

Inflasaun Tradeable sa’e (+4.7%) no Non-Tradeable sa’e (+2.1%) iha anuál kompara entre fulan-agosto, tinan-2021 ho fulan-agosto, tinan-2020.