- Mudansa Persentajen Indise Presu Konsumedor Fulan Dezembro 2018
Home » Anúnsiu » Mudansa Persentajen Indise Presu Konsumedor Fulan Dezembro 2018 Imprime pájina
Mudansa Persentajen Indise Presu Konsumedor Fulan Dezembro 2018
Mudansa persentajen IPK Grupo Hotu mensal sa’e (+0.1%) ba fulan Dezembro 2018, kompara ba fulan Novembro 2018 mos sa’e (+0.2%). Presu sa’e hetan kontribuisaun maioria husi grupo Hahan no Bebidas La’os Alkoholika (+0.4%), no Alkohol no Tabako (+0.3%). Transporte (-0.5%) no Ekipamento no Manutensaun Mobilario Uma Laran (-0.2%) sai hanesan mudansa kontrariu (offset) ba inflasaun grupo hotu. Grupo Hahan no Bebidas La’os Alkoholika sa’e hetan impaktu maioria husi sub-grupo Vejetais (+1.4%), Susuben, Keju no Manutolun (+1.3%), no Fos (+0.2%). Mina no Bokur (-0.1%), no Ikan no Hahan Tasi (-0.4%) sai hanesan mudansa kontrariu ba grupo Hahan no Bebidas laos Alkoholika. Presu fos sa’e iha fulan ida ne’e tamba afeta husi nesesidade agregadu no husi presu fos importasaun ne’ebe hatudu iha presu fos mundial sa’e 4% iha trimestral ikus tinan 2018. Iha Parte Seluk presu mina internasional tun -28% iha trimestral ikus tinan 2018 hodi afeta presu mina transporte iha merkadu rai laran.
Mudansa persentajen IPK anual sa’e (+2.1%) kompara fulan Dezembro 2018 – Dezembro 2017, hetan kontribuisaun husi grupo Hahan no Bebidas laos Alkoholika (+1.5%), Alkohol no Tabaku (+11.0%), Edukasaun (+16.6%), Transporte (+3.9%), Uma (+0.7%), Rekreasaun no Kultura (+0.5%), Komunikasaun (+0.4%). Ekipamentu no Manutensaun Mobilario Uma Laran (-0.5%) no Hatais no Sepatu (-0.1%) sai hanesan mudansa kontrariu ba anual Dezembro 2018.
Inflasaun Tradable (0.0%) laiha mudansa no Non-Tradeable (+0.1%) sa’e iha mensal kompara fulan Dezembro 2018 – Novembro 2018
Inflasaun Tradable (+1.7%) sa’e no Non-Tradeable (+2.0%) sa’e iha anual kompara fulan Dezembro 2018 – Dezembro 2017