• Mudansa Persentajen Índise Presu Konsumedór Fulan Marsu, 2021

Home » Anúnsiu » Mudansa Persentajen Índise Presu Konsumedór Fulan Marsu, 2021 Imprime pájina

Mudansa Persentajen Índise Presu Konsumedór Fulan Marsu, 2021

Data públika: 20 Abril 2021

Mudansa persentajen Índise Presu Konsumedór (IPK) Grupu Hotu mensál sa’e (+0.7%) ba fulan-marsu, 2021, kompara ba fulan-fevereiro, 2021 sa’e mós (+0.4%). Mudansa presu grupu hotu (+0.7%) tanbá hetan kontribuisaun husi grupu Hahán no Bebidas la’ós Alkólika (+1.0%), Alkóhol no Tabaku (+1.9%), Ekipamentu no Manutensaun Mobiliáriu Uma-Laran (+0.6%), no Transporte (+0.4%). Hahán no Bebidas La’ós Alkólika sa’e tanbá hetan impaktu maioria husi sub-grupu Foos (+2.8%), Modo-Tahan (+0.8%), Susubeen, Keiju no Manu-tolun (+1.2%), Mina no Bokur (+1.2%), Ai-fuan (+1.0%) no Masin-Midar, Marmelada, Bani-Ben, Cokolate, no Hahan-Midar (+0.6%). Bebidas, Jus Ai-fuan, no Jus Modo-tahan (-0.8%) sai hanesan mudansa kontrariu ba inflasaun grupu Hahán no Bebidas La’ós Alkólika.

Mudansa persentajen IPK anuál sa’e (+2.9%) kompara entre fulan-marsu, tinan-2021 ho fulan- marsu, tinan-2020, hetan kontribuisaun husi grupo Hahán no Bebidas la’ós Alkólika (+4.4%), Alkohol no Tabaku (+7.5%), no Uma (+0.4%).Transporte (-0.3%), Hatais no Sapatu (-0.1%), Ekipamentu no Manutensaun Mobiliáriu Uma-Laran (-0.2%), no Rekreasaun no Kultura (-0.1%) sai hanesan mudansa kontrariu ba anuál marsu 2021.

Inflasaun Tradeable sa’e (+0.8%) no Non-Tradeable sa’e (+0.6%) iha mensál kompara entre fulan-marsu, tinan-2021 ho fulan-fevereiru, tinan-2021.
Inflasaun Tradeable sa’e (+3.5%) no Non-Tradeable sa’e (+1.5%) iha anuál kompara entre fulan-marsu, tinan-2021 ho fulan-marsu, tinan-2020.

Bele mos hare iha Versaun Tetum ba detailhu.