• DOT Setembro 2018

Home » Anúnsiu » DOT Setembro 2018 Imprime pájina

DOT Setembro 2018

Ohin loron sesta feira 21, fulan Setembru tinan 2018, Ministériu Finansas hahu’u halo lansamentu Dotasaun Orsamentu Temporaria fulan Setembru 2018. Lansamentu ida ne’e halo tuir desizaun Konselhu Ministru iha dia 21 Setembru 2018 dadersan.

Total DOT fulan ida ne’e inkluindu despezas emprestimu hamutuk $95,792,318 no exkluindu despezas emprestimu hamutuk $87,306,839.

Informa katak DOT Setembru 2018 hetan redusaun signifikante husi fulan Agostus 2018 hamutuk pursentu 16. Diferensa bo’ot ne’e reduz husi liña Orsamentu Dotasaun Todu Governu.

Aplikasaun DOT ho montante iha leten refere ba balansu husi levantamentu Fundu Minarais $140 miloens ne’ebe lakonsege gasta hotu iha fim de Agostu 2018 hamutuk $86.2 miloens no kolesaun reseitas too loron 20 Setembru 2018 ho total $8.2 milaun.

Ho lansamentu ida ne’e, bele responde despezas emediata balun hanesan salariu vensimentu, subsidiu ba veteranus, despezas ba kombustiveis, nesesidades ba hospitais, embaixadas no despezas mákina sira seluk. Despezas detalhas tuir kategoria hanesan hatudu iha tabela kraik ne’e.

DOT_Setembru

Remata.