• Orsamentu 2022 ba Ministériu Finansas Aprovadu iha Espesialidade ho votu a favor 72%

Home » Announcements » Orsamentu 2022 ba Ministériu Finansas Aprovadu iha Espesialidade ho votu a favor 72% Print Page

Orsamentu 2022 ba Ministériu Finansas Aprovadu iha Espesialidade ho votu a favor 72%

Díli, 7 dezembru 2021 – Parlamentu Nasionál liuhosi sesaun Plenária iha loron 7 fulan-dezembru, aprova ona iha Espesialidade Proposta Orsamentu Jerál Estadu (OJE) Tinan 2022 ba Ministériu Finansas ho 45 votu a favor (𝟕𝟐%), 0 kontra no 17 abstensaun.
Orsamentu 2022 aprovadu ba Ministeriu Finansas ho montante totál $𝟐𝟗.𝟖𝟔𝟗.𝟐𝟖𝟗 sei aloka ba kategoria: i) Salariu no Vensimentu, $4.019.189; ii) Bens no Servisus $20.022.443; iii) Kapitál Menór $5.000.000; iv) Kapitál Dezenvolvimentu $827,657 no; v) Transferénsia Públiku 0 (zero).

Orsamentu ne’e atu finansia Programa rua iha tinan oin: i) Jestaun Finansas Públikas ho totál orsamentu alokadu $19.078.937; ii) Boa Governasaun no Jestaun Institusionál $10.790.352.

Sesaun Plenária ne’e prezide husi Prezidente Parlamentu Nasionál, Sua Exelénsia Aniceto Longuinhos Guterres Lopes, akompaña husi membru-sira husi Meza Parlamentu Nasionál, ho prezensa husi Sua Exelénsia Primeiru-Ministru, Jenerál Taur Matan Ruak, Ministru Finansas, Rui A. Gomes no membrus Oitavu Governu Konstitusionál. Akompaña Ministru Finansas iha debate espesialidade ne’e, Diretór Jerál Planeamentu no Orsamentu, Koordenadór Gabinete Apoiu Juridiku, Diretór Nasionál Orsamentu, Diretór Nasionál Polítika Ekonómika no Tékniku-sira husi Ministériu Finansas. ***