• Orsamentu MF Pasa ona iha Parlamentu Nasionál

Home » Anúnsiu » Orsamentu MF Pasa ona iha Parlamentu Nasionál Imprime pájina

Orsamentu MF Pasa ona iha Parlamentu Nasionál

Ministériu Finansas (MF) hato’o proposta orsamentu 2018 ho montante $13.059 mil hodi diskuti ba especialidade ho categoria saláriu e vencimentos $3, 883 mil, bens e servisu $8, 486 mil no capital menor $687 mil iha Parlamentu Nasionál ho rezultadu afavor 45, abstensaun 19 no kontra 0, relasiona ho rezultadu refere orsamentu Ministériu Finansas pasa.

Tuir Vise-Ministra Finansas Sara Lobo Brites hateten katak, osan ne’ebé hanesan deputadu sira dehan bo’ot teb-tebes, maibé ami hakarak justifika katak manutensaun halo ba kategoria rua; manutensaun ba ekipamentu no edifísius, realmente manutensaun ekipamentus ne’e destinandu ba servisu Ministériu Finansas iha edifísiu MF tuan nian, Patrimóniu Estadu, Diresaun Jerál Estatístika inklui mós 12 munisípius, Autoridade TributOrsamentu MF Pasa ona iha Parlamentu Nasionálria, Autoridade Aduaneira ho nia servisus postu integradu no postu vizilansias sira.

“Ida ne’e maka hanesan asuntu sira ne’ebé ami koloka ho intensaun atu halo manutensaun ba ekipamentus sira no edifisius sira nia ezekusaun realmente ami ezekuta tiha ona $562.896. Saldu ba restante Setembru ba to’o Dezembru $861.014 mil” tenik Vise-Ministra Finansas.

Relasiona ho servisus profesionais agrupa ba despezas rua mak hanesan atu selu tékniku profesionais IT sira ne’ebé fó asistensia ba sistema Sigtas iha Tributaria no Asycuda (Automated System Custom Data) iha Aduaneira. Alem de ida ne’e ita mós atu upgrade sistema sira ne’e para bele aumenta reseitas tanba sistema sira ne’e versaun antiga ita presiza sosa versaun foun. Ita mós aloka montante balun atu selu téknika requirement atu prepara rekezitus sira oinsa maka bele halo upgrade ba sistemas.

“Hosi profesional service ami mós selu profesional konsultores nasionál no intenasional liu-liu sira ne’ebé fó asistensia legal tanba ita iha Tributaria, Aduaneira no liña reklamasoens sira. Ita mós iha Diresaun Jerál Estatístikas presiza peritus sira halo levantamentu dadus ne’ebé perkore iha teritória tomak”, hatutan nia.

Alem de ne’e, ita selu mós konsultores nasionais maioria ba ita nia maluk sira ne’ebé iha koñesimentu iha áreas espesialidade no lingua ne’ebé fó apoiu ba Ministériu Finansas. Iha mós ba funsionáriu sira ne’ebé ho kategória junior profesionál, liu-liu ba ita nia labarik sira ne’ebé hetan bolsu estudu iha Australia, Filipina no Universidade Nasionál Timor-Lorosa’e (UNTL) atu retein funsionáriu iha Ministériu Finansas ho kualidade ita tenki kria rezime ida ketak ba sira para bele reforsa rekursu humanus Ministériu Finansas nian.