• Orsamentu RAEOA Sei Integra Sistema Finansas Governu Sentral

Home » Anúnsiu » Orsamentu RAEOA Sei Integra Sistema Finansas Governu Sentral Imprime pájina

Orsamentu RAEOA Sei Integra Sistema Finansas Governu Sentral

20200110_Orsamentu RAEOA Sei Integra Sistema Finansas Governu Sentral

Parlamentu Nasionál 09 Janeiru 2020– Ministra Finansas i atual Vise Ministra Finansas Sara Lobo Brites hateten Rejiaun Administrativa Espesiál Oe-Cusse Ambeno (RAEOA) nia orsamentu sei integra iha sistema finansas governu sentral.

Governante ne’e mos hateten, relasiona ho Rejiaun Administrativa Espesiál Oe-Cusse Ambeno (RAEOA) nia orsamentu ne’e hanesan mudansa ida-ne’ebé tinan ne’e ita introdus mai hosi kedas planu tinan kotuk.

“Rejiaun Administrativa Espesiál Oe-Cusse Ambeno (RAEOA) nia orsamentu sei integra ba iha sistema finansas governu sentral”. Ministra Finansas i atual Vise Ministra Finansas Sara Lobo Brites informa.

Atu integra orsamentu refere, ita tenki prepara orsamentu ne’e rasik tuir aliñasaun ajensia sira seluk-seluk. Entaun tinan ida-ne’e RAEOA nia orsamentu lahanesan tinan sira uluk ne’ebé mak tau iha kategória transferensia públikas. Ita sei transfere ba iha RAEOA, depois maka RAEOA rasik halo ninian ezekusaun.

Ministra Finansas i atual Vise Ministra Finansas Sara Lobo Brites esplika liutan katak, tinan ne’e ita aloka kedas ona tuir nia kategoria Saláriu Bensimentu, Beins Servisus, Kapital Dezenvolvimentu, Trasferensia Públikas i Kapital Minor. Ida-ne’e para fó dalan hahú orsamentu foun kuandu tama iha vigenisa RAEOA sei uza sistema sentral.