• Parlamentu Nasional Aprova Konta Jeral Estadu Tinan 2016

Home » Anúnsiu » Parlamentu Nasional Aprova Konta Jeral Estadu Tinan 2016 Imprime pájina

Parlamentu Nasional Aprova Konta Jeral Estadu Tinan 2016

Dili – 04 Fulan Outobru 2018,

Oitavu Governu Konstitusional, liuhosi ekipa tékniku Ministériu Finansas hala’o debate ho membru Parlamentu Nasional relasiona kona-ba Konta Jeral Estadu Tinan 2016 ho rezultadu votus afavor 55, kontra 0, abstensaun 0.

Oitavu Governu Konstitusional mai defende konta jeral estadu tinan 2016 bazeia ba auditória hosi konta jeral estadu iha Dezembru 2017. Rekomendasaun ne’ebé maka fo sai hosi relatoriu ne’e purvolta 47, inklui rekomendasaun hosi tinan 2015 ne’ebé governu implementa no balun konkluidu ona.

“Purtantu hosi rekomedasaun hirak ne’e, Tribunal iha duni rezerva balun, maibé Tribunal konklui katak konta jeral estadu ne’e parlamentu bele aprova. Tanba ne’e maka Parlamentu liuhosi Komisaun C prepara pareser kona-ba relatoriu ne’ebé aprezenta mai para bele halo debate”. Tenik Vise Ministra Finansas, Sara Lobo Brites.

Kontiúdu hosi rekomendasaun sira ne’e barak liu ba iha parte preparasaun orsamentu, ezekusan, jestaun patrimoniu estadu ne’ebé maka tribunal sita iha 2016.